సోద‌రి క్యాన్సర్ చికిత్స కోసం రోడ్డు ప‌క్క‌న ప‌క్షి ఆహారం అమ్ముతున్న బాలుడు.. స‌హాయం చేసే వారి కోసం ఎదురు చూపు..

క‌న్న‌వారికి, కుటుంబ స‌భ్య‌ల‌కు ఏమైనా అయితే వారిని ర‌క్షించుకునేందుకు తోటి కుటుంబ స‌భ్యులు ఏం చేసేందుకైనా వెనుకాడ‌రు. ఆ బాలుడు కూడా అలాగే త‌న తోబుట్టువును ర‌క్షించుకునేందుకు తీవ్రంగా శ్ర‌మిస్తున్నాడు. ఓ వైపు రోడ్డు ప‌క్క‌న ప‌క్షి ఆహారం అమ్ముతూనే మ‌రో వైప త‌న చ‌దువును కొన‌సాగిస్తున్నాడు.

హైద‌రాబాద్‌కు చెందిన 10 ఏళ్ల స‌య్య‌ద్ అజీజ్ అనే బాలుడి సోద‌రి స‌కీనా బేగం (12) క్యాన్స‌ర్ బారిన ప‌డింది. 2 ఏళ్ల కింద‌ట ఆమెకు బ్రెయిన్ క్యాన్స‌ర్ వ‌చ్చింది. అయితే తెలంగాణ ప్ర‌భుత్వం స‌హాయం చేసింది. కానీ ఆమెకు ఆ డ‌బ్బులు చికిత్స కోసం ఖ‌ర్చ‌య్యాయి. దీంతో వారి ప‌రిస్థితి మొద‌టికి వ‌చ్చింది. ఈ క్ర‌మంలో వారు స‌హాయం చేసే వారి కోసం ఎదురు చూస్తున్నారు.

ఇక త‌న సోద‌రిని ఎలాగైనా ర‌క్షించుకోవాల‌నే తాప‌త్ర‌యంతో అజీజ్ రోజూ ఉద‌యం 6 నుంచి 8 గంట‌ల వ‌ర‌కు ర‌హ‌దారి ప‌క్క‌న ప‌క్షి ఆహారం (బ‌ర్డ్ ఫుడ్‌) అమ్ముతున్నాడు. త‌రువాత అత‌ను 8 గంట‌ల‌కు మ‌ద‌ర్సాకు వెళ్తాడు. అజీజ్ సంపాదించే డ‌బ్బులు ఆమె మందుల‌కు మాత్ర‌మే స‌రిపోతున్నాయి. టెస్టులు చేయించేందుకు డ‌బ్బులు స‌రిపోవ‌డం లేదు. దీంతో అజీజ్ త‌ల్లిదండ్రులు త‌మ‌కు స‌హాయం చేసే వారి కోసం ఎదురు చూస్తున్నారు.