క‌న్న‌వారికి, కుటుంబ స‌భ్య‌ల‌కు ఏమైనా అయితే వారిని ర‌క్షించుకునేందుకు తోటి కుటుంబ స‌భ్యులు ఏం చేసేందుకైనా వెనుకాడ‌రు. ఆ బాలుడు కూడా అలాగే త‌న తోబుట్టువును ర‌క్షించుకునేందుకు తీవ్రంగా శ్ర‌మిస్తున్నాడు. ఓ వైపు రోడ్డు ప‌క్క‌న ప‌క్షి ఆహారం అమ్ముతూనే మ‌రో వైప త‌న చ‌దువును కొన‌సాగిస్తున్నాడు.
హైద‌రాబాద్‌కు చెందిన 10 ఏళ్ల స‌య్య‌ద్ అజీజ్ అనే బాలుడి సోద‌రి స‌కీనా బేగం (12) క్యాన్సర్ బారిన ప‌డింది. 2 ఏళ్ల కింద‌ట ఆమెకు బ్రెయిన్ క్యాన్సర్ వచ్చింది. అయితే తెలంగాణ ప్ర‌భుత్వం స‌హాయం చేసింది. కానీ ఆమెకు ఆ డ‌బ్బులు చికిత్స కోసం ఖ‌ర్చ‌య్యాయి. దీంతో వారి ప‌రిస్థితి మొద‌టికి వచ్చింది. ఈ క్ర‌మంలో వారు స‌హాయం చేసే వారి కోసం ఎదురు చూస్తున్నారు.
Telangana | A 10-yr-old boy sells bird food in Hyderabad to pay for his sister Sakeena Begum's brain cancer treatment.
"We haven't received any help. We received govt funds only till radiation therapy. The medication is too expensive," says Bilkes Begum, Sakeena's mother pic.twitter.com/S5G5l9cKWq
— ANI (@ANI) August 6, 2021
ఇక త‌న సోద‌రిని ఎలాగైనా ర‌క్షించుకోవాల‌నే తాప‌త్ర‌యంతో అజీజ్ రోజూ ఉద‌యం 6 నుంచి 8 గంట‌ల వ‌ర‌కు ర‌హ‌దారి ప‌క్క‌న ప‌క్షి ఆహారం (బ‌ర్డ్ ఫుడ్‌) అమ్ముతున్నాడు. త‌రువాత అత‌ను 8 గంట‌ల‌కు మ‌ద‌ర్సాకు వెళ్తాడు. అజీజ్ సంపాదించే డ‌బ్బులు ఆమె మందుల‌కు మాత్ర‌మే స‌రిపోతున్నాయి. టెస్టులు చేయించేందుకు డ‌బ్బులు స‌రిపోవ‌డం లేదు. దీంతో అజీజ్ త‌ల్లిదండ్రులు త‌మ‌కు స‌హాయం చేసే వారి కోసం ఎదురు చూస్తున్నారు.
