RRR : ఓటమెరుగని విక్రమార్కుడు రాజమౌళి తెరకెక్కించిన పీరియాడికల్ మూవీ ఆర్ఆర్ఆర్. చరిత్రలో ఎన్నడూ కలవని ఇద్దరు గొప్ప వీరులను కలిపి చూపించే ప్రయత్నమే ఆర్ఆర్ఆర్. ఈ సినిమాలో మన్యం వీరుడు అల్లూరి సీతారామరాజుగా రామ్ చరణ్, గిరిజన వీరుడు కొమురం భీమ్ గా తారక్ కనిపించనున్నారు. ఈ సినిమాకు సంబంధించిన ఏ చిన్న అప్డేట్ బయటకు వచ్చినా అది క్షణాల్లో వైరల్ గా మారి సంచలనం సృష్టిస్తోంది.
రీసెంట్గా చిత్రం నుండి గ్లింప్స్ విడుదల కాగా, ఇది ప్రేక్షకులకి సరికొత్త వినోదాన్ని పంచింది. ఈ గ్లింప్స్తో మూవీపై అంచనాలు భారీగా పెరిగాయి. అయితే ఇన్నాళ్లూ మూవీకి సంబంధించి ఎలాంటి లీకులు బయటకు రాకుండా మేకర్స్ చాలా జాగ్రత్త తీసుకున్నారు. కానీ ఈ సినిమా నుంచి ఎన్టీఆర్ కు సంబంధించిన ఓ ఫోటో బయటకు రావడంతో అందరిలోనూ ఆశ్చర్యాన్ని కలిగిస్తోంది.
లీక్డ్ ఫొటోలో ఎన్టీఆర్ తలకు పాగా, వెనుక తుపాకీ తగిలించుకొని దర్జాగా కూర్చున్నారు. ఎన్టీఆర్ని ఎప్పుడూ ఇలా చూడకపోవడంతో ఫ్యాన్స్కి ఈ ఫొటో థ్రిల్ని కలిగిస్తోంది. 10 భాషల్లో ప్రపంచవ్యాప్తంగా ఈ సినిమాను విడుదల చేసేందుకు సన్నద్ధమవుతున్న సంగతి తెలిసిందే. ఇప్పటికే సినిమా షూటింగ్ వేగంగా జరుగుతోంది. ఈ దసరాకే సినిమాను విడుదల చేయాలని తొలుత భావించినా కొన్ని అనివార్య కారణాలతో సినిమా విడుదలను వచ్చే ఏడాది జనవరి 7కు వాయిదా వేశారు.
