Romantic Twitter Review : ఆకాశ్ పూరీ రొమాంటిక్ సినిమా బాగుందంటున్న ప్రేక్ష‌కులు..!

Romantic Twitter Review : ప్ర‌ముఖ ద‌ర్శ‌కుడు పూరీ జ‌గ‌న్నాథ్ త‌న‌యుడు ఇండ‌స్ట్రీలో హీరోగా త‌న‌కంటూ ప్ర‌త్యేక గుర్తింపు ఉండ‌డం కోసం తీవ్రంగా శ్ర‌మిస్తున్నాడు. ప‌లు సినిమాల్లో బాల‌న‌టుడిగా అల‌రించాడు. అయితే హీరోగా మాత్రం హిట్ సాధించ‌లేక‌పోయాడు. ఈ క్ర‌మంలోనే తాజాగా రొమాంటిక్ మూవీ పేరిట ప్రేక్ష‌కుల ముందుకు వ‌చ్చాడు. దీనికి ప్రేక్ష‌కుల నుంచి మంచి రెస్పాన్స్ ల‌భిస్తోంది. ఈ మూవీని చూసిన ప్రేక్ష‌కులు బాగుంద‌ని ట్విట్ట‌ర్‌లో కామెంట్లు చేస్తున్నారు.

రొమాంటిక్ మూవీకి అనిల్ పాదూరి ద‌ర్శ‌క‌త్వం వ‌హించారు. అయితే నిర్మాణ బాధ్య‌త‌ల‌ను మాత్రం పూరీ జ‌గ‌న్నాథ్ స్వ‌యంగా ద‌గ్గ‌రుండి మ‌రీ చూసుకున్నారు. ఈ క్ర‌మంలోనే రొమాంటిక్ మూవీ శుక్ర‌వారం ప్ర‌పంచ‌వ్యాప్తంగా ప్రేక్ష‌కుల ముందుకు వ‌చ్చింది. ఇప్ప‌టికే ఈ సినిమాపై అభిమానుల్లో భారీ అంచ‌నాల‌ను పెంచేశారు.

మ‌రోవైపు తాజాగా సెల‌బ్రిటీల కోసం ఓ ప్రీమియ‌ర్ షో వేయ‌గా.. ఎస్ఎస్ రాజ‌మౌళి ఈ మూవీని చూసి అద్భుతంగా ఉంద‌ని కితాబిచ్చారు. దీంతో రొమాంటిక్ మూవీకి బూస్టింగ్ ల‌భించిన‌ట్ల‌యింది. ఇక ఈ మూవీకి ప్ర‌స్తుతం పాజిటివ్‌గానే రెస్పాన్స్ వ‌స్తోంది.

రొమాంటిక్ మూవీలో ఆకాష్ పూరీ స‌ర‌స‌న కేతికా శ‌ర్మ హీరోయిన్‌గా న‌టించింది. పూరీ క‌నెక్ట్స్ బ్యాన‌ర్‌పై చార్మి, పూరీ బ్యాన‌ర్‌పై పూరీ జ‌గ‌న్నాథ్ ఈ మూవీని సంయుక్తంగా నిర్మించారు. ఈ మూవీకి సునీల్ క‌శ్య‌ప్ సంగీతం అందించారు. ఇందులో ప్ర‌ముఖ న‌టి ర‌మ్య‌కృష్ణ పోలీస్ ఆఫీస‌ర్ పాత్ర‌లో అద్భుతంగా న‌టించారు.