Radhe Shyam : రియల్ కథతో తెరకెక్కుతున్న ప్రభాస్ ‘రాధేశ్యామ్’..?

Radhe Shyam : పాన్ ఇండియా స్టార్ హీరో ప్రభాస్ హీరోగా, పూజా హెగ్డె హీరోయిన్ గా తెరకెక్కుతున్న లేటెస్ట్ సినిమా రాధేశ్యామ్. ఈ సినిమా కంప్లీట్ పీరియాడికల్ లవ్ స్టోరీగా తెరకెక్కుతోంది. విక్రమాదిత్య అనే క్యారెక్టర్ లో ప్రభాస్ నటిస్తుండగా, ప్రేరణ పాత్రలో పూజా హెగ్డె మెస్మరైజ్ చేయనుంది. ఈ సినిమా లేటెస్ట్ టీజర్ ను సోషల్ మీడయాలో రిలీజ్ చేశారు. ఇక ప్రభాస్ అభిమానులు ఈ టీజర్ కు హైప్ ను క్రియేట్ చేశారు. రాధేశ్యామ్ సినిమాను వచ్చే ఏడాది సంక్రాంతి స్పెషల్ గా రిలీజ్ చేస్తున్నారు.

లేటెస్ట్ గా ఈ సినిమాకి సంబంధించి ఓ ఇంట్రెస్టింగ్ న్యూస్ తెగ హల్ చల్ అవుతోంది. ఈ సినిమా స్టోరీ రియల్ లైఫ్ పామిస్ట్ ను బేస్ చేసుకుని తెరకెక్కిస్తున్నట్లు సమాచారం. ఫేమస్ హస్త సాముద్రిక నిపుణుడైన చెయిరో విలియం జాన్ వార్నర్ అనే వ్యక్తి రియల్ లైఫ్ తో కథను సిద్ధం చేసుకున్నట్లు తెలుస్తోంది. ఐరిష్ జ్యోతిష్కుల్లో ఒకరు ఈ వార్నర్. తన వినూత్నమైన టాలెంట్ తో ప్రపంచాన్ని సర్ ప్రైజ్ చేశారు. అలాంటి వ్యక్తి జీవితం ఆధారంగా రాధేశ్యామ్ సినిమాకు కమర్షియల్ అంశాల్ని జోడించి జిల్ సినిమా ఫేమ్ రాధాకృష్ణ అత్యంత ప్రతిష్టాత్మకంగా తెరకెక్కిస్తున్నారు.

ఈ సినిమా కోసం భారీ బడ్జెట్ ని ప్లాన్ చేశారు. పీరియాడికల్ లవ్ స్టోరీగా వస్తున్న రాధేశ్యామ్ సినిమాలో ప్రేరణ పాత్ర కూడా ఎంతో వైవిధ్యంగా ఉండనుంది. మరి దర్శకుడు రాధాకృష్ణ ఈ పాత్రను కూడా ఏదైనా కారణంతో ప్లాన్ చేశారా.. లేదా కల్పితమా అనేది తెలియాలి. ఈ సినిమాను ఎక్కువగా ఇటలీ దేశంలో తెరకెక్కించారు. రీసెంట్ గా రిలీజ్ అయిన ఈ సినిమా టీజర్ తో ప్రేక్షకుల్లో ఈ సారి ప్రభాస్ సినిమా బ్లాక్ బస్టర్ హిట్ అంటూ వార్తలు వస్తున్నాయి. ప్రభాస్ ప్రస్తుతం వరుసగా మూడు, నాలుగు సినిమాల షూటింగ్స్ తో ఫుల్ బిజీగా ఉన్నారు.