Vishnu Priya : ఇంత ఛండాల‌మైన ప‌ని చేశావేంటి విష్ణు ప్రియ‌.. నెటిజ‌న్ల కామెంట్స్‌.. ఆగ్ర‌హం..!

Vishnu Priya : బుల్లి తెర‌పై యాంక‌ర్‌గా త‌న‌కంటూ ఓ ప్ర‌త్యేక‌మైన గుర్తింపును తెచ్చుకున్న వారిలో యాంక‌ర్ విష్ణు ప్రియ ఒక‌రు. ఈ అమ్మ‌డు ప్ర‌స్తుతం పెద్ద‌గా టీవీ షోల్లో పాల్గొన‌డం లేదు. కానీ సోష‌ల్ మీడియాలో మాత్రం యాక్టివ్‌గానే ఉంటోంది. ఎప్ప‌టిక‌ప్పుడు త‌న గ్లామ‌ర‌స్ ఫొటోల‌ను షేర్ చేసే ఈ భామ‌.. అప్పుడ‌ప్పుడు గ్లామ‌ర‌స్ వీడియోల‌ను కూడా పోస్ట్ చేస్తూ అల‌రిస్తుంటుంది.

విష్ణు ప్రియ త‌న డ్యాన్స్‌ల‌తో నెటిజ‌న్ల‌ను ఆక‌ట్టుకుంటూ ఉంటుంది. ఏదో ఒక పాట‌కు అద్భుత‌మైన రీతిలో డ్యాన్స్ చేసి ఆ వీడియోను త‌న ఇన్‌స్టాగ్రామ్ ఖాతాలో పోస్ట్ చేస్తుంది. దీంతో ఆ వీడియో వైర‌ల్ అవుతుంది. ఇక ఆమె డ్యాన్స్ చేసిన‌ప్పుడ‌ల్లా అందాల‌ను ఆర‌బోస్తూనే ఉంటుంది. అయితే అంతా బాగానే ఉంది.. కానీ ఆమె తాజాగా అలాంటిదే ఓ డ్యాన్స్ వీడియోను పోస్ట్ చేయ‌గా.. దానిపై నెటిజ‌న్లు ఆగ్ర‌హం వ్య‌క్తం చేస్తున్నారు.

ఆదివారం శ్రీ‌రామ‌న‌వ‌మి పండుగ సంద‌ర్భంగా విష్ణు ప్రియ సంప్ర‌దాయ వ‌స్త్ర‌ధార‌ణ‌లో కనిపిస్తుంద‌నుకుంటే.. గ్లామ‌ర‌స్ వీడియోతో క‌నిపించింది. ఓ పాట‌కు డ్యాన్స్ చేస్తూ అందాల‌ను ఆర‌బోసింది. దాన్ని ఇన్‌స్టాగ్రామ్‌లో పోస్ట్ చేసింది. దీంతో ఆ వీడియో వైర‌ల్ అయింది. అయితే ఆమె ఎప్పుడు చేసే వీడియోల్లాగే ఆ వీడియోలోనూ డ్యాన్స్ చేసింది. కానీ ఆ రోజు శ్రీ‌రామ‌న‌వ‌మి కావ‌డం.. పైగా ఇలాగే డ్యాన్స్‌లు చేయాలి.. అంటూ ఆమె ఆ వీడియోకు కామెంట్ పెట్ట‌డం.. అంద‌రినీ ఆగ్ర‌హానికి గురి చేసింది. దీంతో నెటిజ‌న్లు ఆమెపై ఫైర్ అవుతున్నారు.

పండుగ రోజు సంప్ర‌దాయ దుస్తులు ధ‌రించ‌కుండా ఇలాంటి డ్రెస్‌లో క‌నిపించి ఇంత ఛండాల‌మైన ప‌ని చేశావ్‌.. అస‌లు నువ్వు చేసిన ప‌ని ఏంటి తెలుస్తుందా ? అంటూ నెటిజ‌న్లు ఆమెపై మండిప‌డుతున్నారు. అయిన‌ప్ప‌టికీ ఆమె వీడియో మాత్రం వైర‌ల్ అవుతూనే ఉంది.