Nayanthara : జ‌య‌లలిత, ర‌జ‌నీకాంత్ ఇళ్ల ద‌గ్గ‌ర‌లో ఇల్లు కొనుగోలు చేసిన న‌య‌న‌తార‌..!

Nayanthara : అద్భుత‌మైన న‌ట‌న‌తో లేడీ సూప‌ర్ స్టార్‌గా గుర్తింపు తెచ్చుకున్న న‌య‌న‌తార ప్ర‌స్తుతం సీనియర్ స్టార్స్‌తో కాకుండా కుర్ర హీరోల‌తోనూ జ‌త క‌డుతోంది. టాలీవుడ్, కోలీవుడ్‌ల‌లో వ‌రుస ఆఫర్స్ అందుకుంటూ అంద‌రినీ ఆశ్చ‌ర్య‌ప‌రుస్తోంది ఈ ముద్దుగుమ్మ‌. 37 ఏళ్ల వ‌య‌స్సులోనూ కుర్ర హీరోల‌కు పోటీగా సినిమాలు చేస్తోంది. సుదీర్ఘ కాలంగా దక్షిణాది చిత్రపరిశ్రమలో టాప్ హీరోయిన్‏గా కొనసాగుతోంది.

సినీ రంగంలోకి ఎంట్రీ ఇచ్చిన అతి తక్కువ సమయంలోనే నయన్ అత్యంత పాపులారిటీని సొంతం చేసుకుంది. కేవలం గ్లామర్ పాత్రలకే కాకుండా.. వుమెన్ ఓరియంటెడ్ చిత్రాలను చేస్తూ లేడీ సూపర్ స్టార్‏గా మారింది. కొన్నాళ్లుగా విఘ్నేష్ శివ‌న్ తో ప్రేమ‌లో మునిగి తేలుతున్న ఈ ముద్దుగుమ్మ వ‌చ్చే ఏడాది అత‌నిని వివాహం చేసుకోనున్న‌ట్టు తెలుస్తోంది. అయితే తాజ‌గా న‌య‌న‌తార‌కు సంబంధించిన ఓ వార్త వైర‌ల్‌గా మారింది.

నయనతార తాజాగా చెన్నైలోని పొయెస్‌ గార్డెన్‌లో ఫోర్‌ బెడ్‌ రూమ్‌ ఫ్లాట్‌ను కొనుగోలు చేసింది. ఈ ఫ్లాట్‌ విలువ కోట్లలో ఉంటుందని అంచనా. ఇక నయనతార ఎంతో ఇష్టంగా కొనుగోలు చేసిన ఈ ఇంటిలో విఘ్నేష్‌తో కలిసి జీవించనుందని వార్తలు వస్తున్నాయి. దీంతో మరోసారి నయనతార పెళ్లి వార్తలు షికార్లు చేస్తున్నాయి. ఈ గార్డెన్‌కు మంచి సెలబ్రిటీ చరిత్ర కూడా ఉంది. తమిళనాడు దివంగత ముఖ్యమంత్రి జయలలిత, రజనీకాంత్‌ల నివాసాలు ఈ పొయెస్‌ గార్డెన్‌లోనే ఉన్నాయి. రజనీ కాంత్‌ ఇంటిపక్కనే ధనుష్‌ తన డ్రీమ్ హౌజ్‌ను నిర్మిస్తున్నాడు.