OTT : వారం వారం థియేట‌ర్ల‌లో కొత్త సినిమాలు సంద‌డి చేస్తుంటాయి. అయితే ఇది ఒక‌ప్ప‌టి మాట. ఇప్పుడు ఓటీటీల్లో సినిమాలు సంద‌డి చేస్తున్నాయి. దీంతో వారం మారిన త‌రువాత ఈ వారం కొత్త సినిమాలు ఏవి వ‌స్తున్నాయి.. అని తెలుసుకునేందుకు ప్రేక్ష‌కులు ఆస‌క్తిని చూపిస్తున్నారు. ఇక ఓటీటీ యాప్‌లు కూడా కొత్త సినిమాల‌ను రిలీజ్ చేయ‌డంలో పోటీలు ప‌డుతున్నాయి. ఇప్ప‌టికే అనేక కొత్త సినిమాలు ఈ యాప్‌ల‌లో సంద‌డి చేస్తున్నాయి. ఇక ఈ వారం కూడా ప‌లు కొత్త మూవీలు ఓటీటీల్లో రిలీజ్ కానున్నాయి. అలాగే కొన్ని సిరీస్‌ల‌ను కూడా లాంచ్ చేయ‌నున్నారు. ఇక ఈ వారం ఓటీటీల్లో వ‌స్తున్న సినిమాలు, సిరీస్ ల వివ‌రాల‌ను ఇప్పుడు తెలుసుకుందాం.
ప్ర‌ముఖ బాలీవుడ్ ద‌ర్శ‌క నిర్మాత కరణ్ జోహార్ హోస్ట్‌గా నిర్వ‌హించిన కాఫీ విత్ కరణ్ షోకు మంచి పేరుంది. గ‌తంలోఈ షోకు రేటింగ్స్ బాగా వ‌చ్చాయి. క‌నుక ఈ షోను ఎప్ప‌టి నుంచో కొన‌సాగిస్తూ వ‌స్తున్నారు. ఇక ఇదే షోకు చెందిన 7వ సీజ‌న్ ఈ వారం నుంచే స్ట్రీమ్ కానుంది. దీన్ని జూలై 7వ తేదీ నుంచి స్ట్రీమ్ చేయ‌నున్నారు. డిస్నీ ప్ల‌స్ హాట్ స్టార్‌లో ఈ షోను వీక్షించ‌వ‌చ్చు. ఈసారి సీజ‌న్‌లో ఓ ఎపిసోడ్‌లో స‌మంత పాల్గొంది. ఈ క్ర‌మంలోనే ఆమె ఏ ఎపిసోడ్‌లో ఉంది.. అస‌లు ఆమె ఏం మాట్లాడింది.. అన్న వివ‌రాల‌ను తెలుసుకునేందుకు ప్రేక్ష‌కులు ఈ షో కోసం ఎంతో ఆస‌క్తిగా ఎదురు చూస్తున్నారు. ఇక ఈమెతోపాటు అక్ష‌య్ కుమార్‌, అనిల్ క‌పూర్‌, సారా అలీ ఖాన్ వంటి వారు కూడా ఈ సారి సీజ‌న్‌లో గెస్ట్‌లుగా రానున్నారు. దీంతో ఈ సీజ‌న్‌పై అంద‌రిలోనూ ఆస‌క్తి నెల‌కొంది.
మ‌ళ‌యాళంలో తెర‌కెక్కిన ప‌కా రివ‌ర్ ఆఫ్ బ్ల‌డ్ అనే మూవీని సోనీ లివ్‌లో రిలీజ్ చేస్తున్నారు. దీన్ని జూలై 7 నుంచి స్ట్రీమ్ చేయ‌నున్నారు. అలాగే జూలై 8 నుంచి నెట్ ఫ్లిక్స్‌లో బూ, బిచ్ అనే టీవీ షోను ప్రసారం చేయ‌నున్నారు. కామెడీ, సైఫై, ఫాంట‌సీ జోన‌ర్‌ల‌లో దీన్ని తెర‌కెక్కించారు. జూలై 8వ తేదీనే కుంజెల్దో అనే మ‌ళ‌యాళం సినిమాను రిలీజ్ చేయ‌నున్నారు. ఈ కామెడీ మూవీని జీ5 యాప్‌లో చూడ‌వ‌చ్చు.
అమెజాన్ ప్రైమ్ వీడియోలో జూలై 8వ తేదీన మోడ్ర‌న్ ల‌వ్‌: హైద‌రాబాద్ అనే సిరీస్‌ను స్ట్రీమ్ చేయ‌నున్నారు. తెలుగులో రూపొందించిన ఈ సిరీస్ కామెడీ జోన‌ర్‌లో తెర‌కెక్కింది. అలాగే బేర్ గ్రిల్స్, ర‌ణ్‌వీర్ లు క‌లిసి చేసిన ప్ర‌త్యేక ఎపిసోడ్‌ను నెట్‌ఫ్లిక్స్‌లో ప్రసారం చేయ‌నున్నారు. హిందీ, ఇంగ్లిష్ భాష‌ల్లో ఈ ఎపిసోడ్ అందుబాటులో ఉంటుంది. జూలై 8న ఈ ఎపిసోడ్‌ను స్ట్రీమ్ చేస్తారు.
క‌మ‌ల‌హాస‌న్ ప్ర‌ధాన పాత్ర‌లో వ‌చ్చిన విక్ర‌మ్ మూవీ ఓటీటీలో రిలీజ్ కానుంది. డిస్నీ ప్ల‌స్ హాట్ స్టార్ యాప్‌లో ఈ మూవీని జూలై 8వ తేదీన రిలీజ్ చేయ‌నున్నారు. త‌మిళం, తెలుగు, మ‌ళ‌యాళం, క‌న్న‌డ, హిందీ భాష‌ల్లో ఈ మూవీ అందుబాటులో ఉంటుంది. నాని, న‌జ్రియా న‌టించిన అంటే సుంద‌రానికీ.. మూవీ కూడా ఈ వారంలోనే ఓటీటీలోకి రానుంది. నెట్‌ఫ్లిక్స్‌లో జూలై 10వ తేదీన ఈ మూవీని రిలీజ్ చేయ‌నున్నారు. ఇలా ప‌లు మూవీలు, సిరీస్‌లు ఈ వారంలో ఓటీటీల్లో సంద‌డి చేయ‌నున్నాయి.
