Most Eligible Bachelor : అక్కినేని అఖిల్, పూజా హెగ్డె హీరో హీరోయిన్లుగా బన్నీ వాసు నిర్మాణంలో బొమ్మరిల్లు భాస్కర్ దర్శకత్వంలో తెరకెక్కుతున్న చిత్రం.. మోస్ట్ ఎలిజిబుల్ బ్యాచిలర్. కెరీర్లో సరైన హిట్ లేక అసంతృప్తితో ఉన్న అఖిల్కు ఈ మూవీ అయినా సరే హిట్ ఇవ్వాలని ఫ్యాన్స్ కోరుకుంటున్నారు. ఈ క్రమంలోనే ఈ మూవీపై అభిమానుల్లో భారీ అంచనాలు నెలకొన్నాయి.
ఇక ఈ మూవీకి చెందిన పోస్టర్స్, టీజర్స్కు ఇప్పటికే ప్రేక్షకుల నుంచి విశేష రీతిలో స్పందన లభించింది. దీంతో చిత్ర యూనిట్ ఈ మూవీ థియేట్రికల్ ట్రైలర్ను లాంచ్ చేసింది. ఇందులో అఖిల్ అదరహో అనిపించాడు.
పెళ్లి చేసుకోవడం కన్నా ముందు కెరీర్ ముఖ్యమని, ఎంతో కాలంగా వేచి చూసి చివరకు పెళ్లి చేసుకునేందుకు అఖిల్ యత్నిస్తుంటాడు. అందులో భాగంగా పూజ హెగ్డె పరిచయం కావడం.. ఆ తరువాత జరిగే పరిణామాలతో ట్రైలర్ ఆసక్తికరంగా సాగింది. సినిమాలో కూడా ఇలాంటి ట్విస్టులు ఉంటాయని ముందుగానే మనం గ్రహించవచ్చు. చాలా కాలం తరువాత భిన్నమైన లుక్లో అఖిల్ ఇందులో కనిపించాడు. ఫ్రెష్గా మూవీ వచ్చింది. కచ్చితంగా హిట్ అవుతుందని ఫ్యాన్స్ సంబరపడిపోతున్నారు.
ఈ మూవీకి గోపీ సుందర్ సంగీతం అందిస్తుండగా.. గీతా ఆర్ట్స్ 2 పిక్చర్స్ బ్యానర్పై ఈ సినిమా తెరకెక్కుతోంది. అక్టోబర్ 15న దసరా కానుకగా ఈ మూవీని విడుదల చేసేందుకు సన్నాహాలు చేస్తున్నారు.
