Most Eligible Bachelor : ఓటీటీలోనూ మోస్ట్ ఎలిజిబుల్ బ్యాచిల‌ర్ సూప‌ర్ డూప‌ర్ హిట్‌..!

Most Eligible Bachelor : అఖిల్ అక్కినేని, పూజా హెగ్డె న‌టించిన మోస్ట్ ఎలిజిబుల్ బ్యాచిల‌ర్ మూవీ ఎంత హిట్ అయిందో అంద‌రికీ తెలిసిందే. ఈ మూవీలో అఖిల్, పూజా హెగ్డెల కెమిస్ట్రీ బాగా వ‌ర్క‌వుట్ అయింది. దీంతో అఖిల్‌కు తొలి హిట్ ద‌క్కిన‌ట్ల‌యింది. ఇక ఈ మూవీ స‌క్సెస్‌తో అఖిల్ మంచి జోష్ మీద ఉన్నాడు.

అయితే మోస్ట్ ఎలిజిబుల్ బ్యాచిల‌ర్ మూవీని ఇటీవ‌లే ఆహా ప్లాట్‌ఫాంలో లాంచ్ చేశారు. శుక్ర‌వారం నుంచి ఈ మూవీ ఆహాలో స్ట్రీమ్ అవుతోంది. ఈ క్ర‌మంలోనే ఓటీటీలో కూడా ఈ మూవీ సూప‌ర్ హిట్ అయింది. ప‌లు కొత్త రికార్డుల‌ను న‌మోదు చేసింది.

ఓటీటీలో ఈ మూవీ స్ట్రీమింగ్ ప్రారంభ‌మైన తొలి రెండు రోజుల్లోనే 10 కోట్ల నిమిషాల వ్యూస్ వ‌చ్చాయ‌ని ఆహా వెల్ల‌డించింది. ఈమేర‌కు జీఏ2 పిక్చ‌ర్స్ ట్వీట్ చేసింది. ఆహా యూజ‌ర్లు భారీ స్థాయిలో ఈ మూవీని వీక్షించి రికార్డును క్రియేట్ చేశారు. దీంతో ఓటీటీ ప్లాట్‌ఫాంపై కూడా మోస్ట్ ఎలిజిబుల్ బ్యాచిల‌ర్ సూప‌ర్ డూప‌ర్ హిట్ అయింద‌ని చెప్ప‌వ‌చ్చు.

కాగా అఖిల్ ప్ర‌స్తుతం ఏజెంట్ అనే సినిమాలో న‌టిస్తున్నాడు. సురేంద‌ర్ రెడ్డి ఈ మూవీకి ద‌ర్శ‌క‌త్వం వ‌హిస్తున్నారు. ఆయ‌న‌కు ఇటీవలే క‌రోనా రావ‌డంతో మూవీ షూటింగ్‌కు కొంత‌కాలం బ్రేక్ ప‌డింది. త్వ‌ర‌లోనే మ‌ళ్లీ షూటింగ్ ప్రారంభం కానుంది.