Maha Samudram First Review : మ‌హాస‌ముద్రం మూవీ.. ఫ‌స్ట్ రివ్యూ..!

Maha Samudram First Review : ఆర్ఎక్స్ 100 మూవీ ఫేమ్ అజ‌య్ భూప‌తి ద‌ర్శ‌క‌త్వంలో వ‌చ్చిన తాజా చిత్రం.. మ‌హాస‌ముద్రం. ఇందులో శ‌ర్వానంద్‌, సిద్ధార్థ్ న‌టించారు. అదితి రావు హైద‌రి ఇందులో మ‌హా పాత్ర‌లో న‌టిస్తుండ‌గా.. అను ఎమ్మాన్యుయెల్ లాయ‌ర్‌గా న‌టించింది. అయితే ఈ మూవీ గురించి మాట్లాడిన అజ‌య్ భూప‌తి రివ్యూను షేర్ చేసుకున్నారు.

మ‌హా స‌ముద్రం మూవీ ఇద్ద‌రు స్నేహితుల క‌థ‌. వారి ప్రేమ జీవితాల‌కు చెందిన క‌థ‌ను ఇందులో చూపించాం. అలాగే వైజాగ్ తీర ప్రాంతంలో నివసించే వారితోపాటు వారి చుట్టూ ఉండే వ్య‌క్తుల‌కు సంబంధించిన క‌థే.. మ‌హాస‌ముద్రం. ఇందులో ఇద్ద‌రు స్నేహితుల మ‌ధ్య ఉన్న స్నేహం గురించి గొప్ప‌గా చూపించాం.. అని అజ‌య్ భూప‌తి తెలిపారు.

ఇక ఈ మూవీ క‌థను ప‌ట్టుకుని ఎంతో మంది హీరోల దగ్గ‌రికి వెళ్లాన‌ని.. కానీ మ‌ల్టీ స్టార‌ర్ కావ‌డంతో చేసేందుకు వెనుకాడార‌ని అన్నారు. అయితే శ‌ర్వానంద్‌, సిద్ధార్థ్‌లు చివ‌ర‌కు ఈ మూవీని చేస్తామ‌ని ఒప్పుకున్నార‌ని.. దీంతో చిత్రం తెర‌కెక్కింద‌ని తెలిపారు. కాగా మ‌హా స‌ముద్రం సినిమాను అనిల్ సుంక‌ర నిర్మించగా.. ఈ సినిమా చూసి బ‌య‌ట‌కు వ‌చ్చే ప్రేక్ష‌కులు శ‌ర్వానంద్‌, సిద్ధార్థ‌ల పాత్ర‌ల‌ను జీవితాంతం గుర్తుంచుకుంటార‌ని తెలిపారు.