Ketika Sharma : ప్రముఖ దర్శకుడు పూరీ జగన్నాథ్ కుమారుడు ఆకాష్ పూరీతో కలిసి కేతికా శర్మ రొమాంటిక్ అనే మూవీలో నటించింది. అందులో అందాలను ఒక రేంజ్లో ఆరబోసింది. రొమాంటిక్ సీన్లతో సినిమాను నింపేశారు. అయితే ఆ మూవీ ఫ్లాప్ అయింది. ఇక కేతికా.. నాగశౌర్యతో కలిసి లక్ష్య సినిమాలోనూ నటించింది. కానీ బాక్సాఫీస్ వద్ద ఆ మూవీ కూడా బోల్తా కొట్టింది. దీంతో ఈమె కెరీర్ ప్రస్తుతం గందరగోళంలో పడిపోయింది.
అయితే కేతికా శర్మకు సోషల్ మీడియాలో విపరీతమైన ఫాలోయింగ్ ఉంది. తన డబ్స్మాష్లు, ఇన్స్టాగ్రామ్, ట్విట్టర్ పోస్టులతో ఈమె ఎల్లప్పుడూ వార్తల్లో నిలిచేందుకు ప్రయత్నిస్తోంది. భారీ అందాలను చూపిస్తూ ఫొటోషూట్స్ చేస్తోంది. వాటిని తన సోషల్ ఖాతాల్లో షేర్ చేసి హీట్ పెంచుతోంది. దీంతో ఈమె ఫొటోలు వైరల్ అవుతున్నాయి. అసలే వరుస ఫ్లాప్స్తో ఉన్న ఈ భామ సరైన అవకాశం కోసం ఎదురు చూస్తోంది. అందుకనే దర్శక నిర్మాతల కళ్లలో పడేందుకు గ్లామరస్ ఫొటోషూట్స్తో తెగ పోస్టులు పెడుతోంది.
ఇక ప్రస్తుతం ఈమె రంగ రంగ వైభవంగా అనే మూవీలో నటిస్తోంది. ఇందులో వైష్ణవ్ తేజ్ హీరోగా నటిస్తున్నాడు. అతను కూడా మంచి హిట్ కోసం చూస్తున్నాడు. మరి ఈ ఇద్దరికీ ఈ చిత్రం హిట్ను అందిస్తుందా.. లేదా.. అనేది చూడాలి.
స్పందించండి