Kajal Aggarwal : కాజల్ అగర్వాల్ గత కొంత కాలంగా సినిమాలకు దూరంగా ఉంటున్న సంగతి తెలిసిందే. చిరంజీవితో ఆచార్య మూవీలో నటించిన ఈ ముద్దు గుమ్మ ఆ తరువాత ఎలాంటి సినిమాలకు అంగీకరించలేదు. దీంతో ఆమె గర్భవతి అని, అందుకని సినిమాలు చేయడం లేదని.. గతంలో వార్తలు వచ్చాయి. అయితే అప్పట్లో ఆమె వాటిని ఖండించింది. కానీ ఇప్పుడదే వార్తను నిజమని తెలియజేసింది.
తాను గర్భవతిని అయ్యానని కాజల్ అగర్వాల్ సోషల్ మీడియా వేదికగా తెలిపింది. అయితే ఈ విషయాన్ని ఆమె భర్త గౌతమ్ కిచ్లు తెలియజేయడం విశేషం. ఇక ఈ విషయాన్ని కూడా ఆమె కమర్షియల్ చేసేసింది. ప్రెగా న్యూస్ అనే కంపెనీకి ప్రచారం చేస్తున్న కాజల్ అగర్వాల్ తాను గర్భవతి అయ్యాననే విషయాన్ని చెప్పడం కోసం ఆ కంపెనీ బ్రాండ్ను ఉపయోగించుకుంది. ఈ విధంగా ఆమె వెరైటీగా ఈ విషయాన్ని తెలియజేసింది.
ఈ సందర్భంగా కాజల్ అగర్వాల్ మాట్లాడుతూ.. ఈ ఏడాది తనకు ఎంతో ప్రత్యేకమైందని, తమ జీవితంలోకి ఓ చిన్నారి అడుగుపెడుతుందని, అందుకని ఎంతో సంతోషంతోపాటు ఉత్కంఠగా కూడా ఉందని కాజల్ అగర్వాల్ తెలిపింది. ఇక కాజల్ అగర్వాల్కు ఇన్స్టాగ్రామ్లోనే 20 మిలియన్ల మంది ఫాలోవర్లు ఉన్నారు. ఎప్పటికప్పుడు ఈమె తన విశేషాలను ఇన్స్టాగ్రామ్ ద్వారా అభిమానులతో పంచుకుంటూ ఉంటుంది.
