ఐఫోన్‌ 14 వచ్చేస్తోంది.. లీకైన ధర, ఫీచర్ల వివరాలు..

ఐఫోన్‌ ప్రియులు ఎంతో ఆసక్తిగా ఎదురు చూస్తున్న ఐఫోన్‌ 14 త్వరలోనే రిలీజ్‌ కానుంది. ప్రతి ఏడాది యాపిల్‌ సంస్థ కొత్త ఐఫోన్లను సెప్టెంబర్‌లో లాంచ్‌ చేస్తుందన్న విషయం తెలిసిందే. ఇక ఈ ఏడాది కూడా ఐఫోన్‌ 14 సిరీస్‌ ఫోన్లను సెప్టెంబర్‌లోనే లాంచ్‌ చేసేందుకు రెడీ అవుతోంది. అయితే ఈసారి నాలుగు మోడల్స్‌ను యాపిల్‌ విడుదల చేస్తుందని తెలుస్తోంది. ఐఫోన్‌ 14, 14 ప్రొ, 14 మ్యాక్స్‌, 14 మ్యాక్స్‌ ప్రొ పేరిట నాలుగు మోడల్స్‌ రిలీజ్‌ కానున్నాయని సమాచారం.

ప్రొ మోడల్స్‌లో యాపిల్‌ కొత్త చిప్‌ సెట్‌ ఎ16 బయానిక్‌ను ఏర్పాటు చేసి అందిస్తున్నట్లు తెలుస్తోంది. ఇక నాన్‌ ప్రొ మోడల్స్‌లో పాతదైన ఎ15 బయానిక్‌ చిప్‌ను ఏర్పాటు చేశారని సమాచారం. ఈ ఫోన్లను సెప్టెంబర్‌ 6 నుంచి 13 తేదీల మధ్యలో రిలీజ్‌ చేస్తారని తెలుస్తోంది. అలాగే ఈ ఫోన్లలో శాంసంగ్‌ తరహా ఓలెడ్‌ డిస్‌ప్లేలను ఏర్పాటు చేస్తున్నారని సమాచారం.

ఇక ఐఫోన్‌ 14, 14 ప్రొ మోడల్స్‌లో 3200 ఎంఏహెచ్‌ బ్యాటరీ, 14 మ్యాక్స్‌, 14 మ్యాక్స్‌ ప్రొలలో 4000 ఎంఏహెచ్‌ బ్యాటరీలను ఏర్పాటు చేశారని సమాచారం. కాగా ఐఫోన్‌ 14 మోడల్స్‌ ప్రారంభ ధర రూ.62వేల నుంచి మొదలవుతుందని తెలుస్తోంది. వీటిని సెప్టెంబర్‌ చివరి వారం నుంచి విక్రయిస్తారని సమాచారం.