దేశ ప్ర‌జ‌ల‌కు ప్ర‌ధాని మోదీ శుభ‌వార్త‌.. ఇక అంద‌రికీ ఉచితంగా కోవిడ్ టీకాలు..

క‌రోనా సెకండ్ వేవ్ నేప‌థ్యంలో ప్ర‌ధాని మోదీ దేశ ప్ర‌జ‌ల‌కు శుభవార్త చెప్పారు. దేశంలో అంద‌రికీ కోవిడ్ టీకాల‌ను ఉచితంగా అందిస్తామ‌ని ప్ర‌క‌టించారు. ఈ నెల 21వ తేదీ నుంచి 18 ఏళ్లు పైబ‌డిన అంద‌రికీ కేంద్ర‌మే ఉచితంగా కోవిడ్ టీకాల‌ను అందిస్తుంద‌ని, కోవిడ్ టీకాల కోసం రాష్ట్రాలు పైసా ఖ‌ర్చు చేయాల్సిన ప‌నిలేద‌ని మోదీ అన్నారు.

క‌రోనా నేప‌థ్యంలో సోమ‌వారం జాతినుద్దేశించి ప్ర‌సంగించిన ప్ర‌ధాని మోదీ పై విధంగా వ్యాఖ్య‌లు చేశారు. కేంద్ర‌మే టీకాల‌ను కొనుగోలు చేసి రాష్ట్రాల‌కు అందిస్తుంద‌ని, టీకాల కోసం ఎవ‌రూ ఖ‌ర్చు చేయాల్సిన ప‌నిలేద‌న్నారు. దేశ ప్ర‌జలంద‌రికీ టీకాలు వేసే బాధ్య‌త కేంద్రానిదే అని అన్నారు.

న‌వంబ‌ర్ వ‌ర‌కు దేశంలోని 80 కోట్ల మందికి టీకాలు వేస్తామ‌ని మోదీ అన్నారు. కోవిడ్ టీకాల ప‌ట్ల ప్ర‌జ‌ల్లో అనేక సందేహాలు నెల‌కొన్నాయ‌ని, టీకాలు తీసుకునేందుకు ఎవ‌రూ భ‌య ప‌డాల్సిన ప‌నిలేద‌ని అన్నారు. ప్ర‌తి ఒక్క‌రూ టీకాను తీసుకోవాల‌న్నారు. టీకాల‌పై ఇత‌రుల‌కు ఉండే అపోహ‌ల‌ను తొల‌గించేందుకు ప్ర‌తి ఒక్క‌రూ కృషి చేయాల‌ని అన్నారు. కోవిడ్ ప‌ట్ల మ‌రింత జాగ్ర‌త్త‌గా ఉండాల్సిన అవ‌సరం ఉంద‌న్నారు. క‌రోనాపై చేస్తున్న పోరాటంలో అంద‌రం విజ‌యం సాధిస్తామ‌ని, భార‌త్ కోవిడ్ పై విజ‌యం సాధిస్తుంద‌ని అన్నారు.