Ileana : తెగిన ఇలియానా వేళ్లు.. భోరున ఏడ్చిన గ్లామ‌ర్ బ్యూటీ..

Ileana : మోడల్‌గా ఫేమస్ అయిన టైంలోనే సినిమాల్లోకి ఎంట్రీ ఇచ్చిన అందాల ముద్దుగుమ్మ‌ ఇలియానా. ఆరంభంలోనే అద్భుతమైన నటనతోపాటు అందంతో ఆకట్టుకున్న ఈ బ్యూటీ తెలుగులో ఉన్న టాప్ హీరోలందరితోనూ నటించింది. తద్వారా స్టార్‌ హీరోయిన్‌గా హవాను చూపించింది. అలాగే రెమ్యూనరేషన్‌తో రికార్డు క్రియేట్ చేసి సత్తా చాటింది. వ‌రుస ఫ్లాపుల త‌ర్వాత బాలీవుడ్‌కి వెళ్లిన ఈ భామ అక్క‌డా త‌న స‌త్తా చాటింది.

అమ‌ర్ అక్భ‌ర్ ఆంటోని చిత్రంతో రీఎంట్రీ ఇచ్చిన ఇలియానాను ఈ చిత్రం కూడా నిరాశ‌ప‌ర‌చింది. ఇటీవ‌లి కాలంలో ఈ అమ్మ‌డు సోష‌ల్ మీడియా ద్వారానే ఎక్కువ‌గా సంద‌డి చేస్తోంది. రీసెంట్‌గా ఈ అమ్మ‌డు త‌న రెండు వేళ్లు క‌ట్ అయ్యాయ‌ని చెప్పింది. వంట చేద్దామని కూరగాయలు తరుగుతుంటే రెండు వేళ్లకు గాయం అయిందట. కత్తి చాలా పదునుగా ఉండటంవల్ల గాయం బాగానే అయింది. గాయం కావ‌డంతో చిన్న పిల్ల‌లా ఏడ్చేశాను అని చెప్పుకొచ్చింది ఇల్లీ బేబీ.

వరుస సినిమాలతో ఫుల్ బిజీగా ఉన్న సమయంలోనే ఇలియానా.. ఆస్ట్రేలియాకు చెందిన ఆండ్రూ అనే ఫొటోగ్రాఫర్‌తో ప్రేమలో పడింది. దీంతో అప్పటి నుంచి ఆమె కెరీర్ గాడి తప్పింది. ఇద్దరూ కలిసి గోవాలో ఓ ఇంటిలో ఉండడం.. ఎక్కడకు వెళ్లినా చెట్టాపట్టాలేసుకుని కనిపించడం జ‌రిగింది. ఏమైందో ఏమో తెలియ‌దు కానీ కొన్నాళ్లకు అతడితో బంధానికి పుల్‌స్టాప్ పెట్టింది. ప్ర‌స్తుతం వ‌రుడి కోసం వెతుకుతున్నా.. అంటోంది.