అభిమానులను ఆకట్టుకుంటున్న.. అఖిల్ ఏజెంట్ ఫస్ట్ లుక్!

అక్కినేని వారసుడు అఖిల్ ఏప్రిల్ 8న 27వ పుట్టినరోజు జరుపుకుంటున్న సందర్భంగా తాను నటించబోయే సినిమాకు సంబంధించిన ఫస్ట్ లుక్ పోస్టర్ ను విడుదల చేసారు. కొన్ని రోజుల నుంచి అఖిల్, సురేందర్ రెడ్డి దర్శకత్వంలో ఓ సినిమా చేయబోతున్నాడనే వార్తలు వినిపించాయి.అయితే నేడు అఖిల్ పుట్టినరోజు సందర్భంగా సురేందర్ రెడ్డి, అఖిల్ కాంబినేషన్లో రాబోయే సినిమా”ఏజెంట్” కు సంబంధించిన ఫస్ట్ లుక్ పోస్టర్ ను విడుదల చేయడమేకాకుండా, సినిమా టైటిల్ ను కూడా ప్రకటించారు.

సురేందర్ రెడ్డి దర్శకత్వంలో వస్తున్న ఈ సినిమాలో అఖిల్ లుక్ ఎంతో స్టైలిష్ గా కనిపిస్తున్నడంతో ఈ సినిమాపై భారీ అంచనాలు రేకెత్తిస్తున్నాయి.స్పై థ్రిల్లర్ జానర్‌లో దాదాపు 40 కోట్ల భారీ బడ్జెట్ తో తెరకెక్కుతున్న ఈ చిత్రాన్ని  ఏ.కె. ఎంటర్ టైన్ మెంట్స్ బ్యానర్ లో అనిల్ సుంకర నిర్మిస్తున్నాడు. అదేవిధంగా సురేందర్ 2 సినిమా బ్యానర్ తో ఇందులో నిర్మాణ భాగస్వామిగానూ సురేందర్ రెడ్డి వ్యవహరిస్తున్నాడు.

చేతిలో సిగరెట్ తో పొగను వదులుతూ ఎంతో స్టైలిష్ గా కనిపిస్తున్న “ఏజెంట్” ఫస్ట్ లుక్ పోస్టర్ ను విడుదల చేయడమే కాకుండా ఈ సినిమా డిసెంబర్ 24న విడుదల చేయనున్నట్లు కూడా విడుదల తేదీని ప్రకటించారు. ఈ సినిమాలో హీరోయిన్ గా రష్మిక నటిస్తోందని సమాచారం. అయితే ఈ సినిమా గురించి మరింత సమాచారం త్వరలోనే వెల్లడించనున్నట్లు చిత్ర బృందం తెలియజేసింది.