Dance : టెలివిజన్ లో ప్రసారమవుతున్న శ్రీదేవి డ్రామా కంపెనీ కామెడీ షో గురించి తెలిసిందే. వారం వారం ఎంటర్ టైన్మెంట్ ను పెంచుతూ ప్రేక్షకులను అలరిస్తున్నారు. అయితే తాజాగా శ్రీదేవి డ్రామా కంపెనీ ప్రోమో విడుదల అయింది. ఆ ప్రోమోలో పల్సర్ బైక్ పాటతో ఎంట్రీ ఇచ్చింది గాజువాక లేడీ కండక్టర్ ఝాన్సీ. ఆమె స్టేజీ రాగానే APSRTC లో పని చేస్తాను అని చెప్పడంతో అంతా ఒక్కసారిగా షాక్ అయ్యారు. శ్రీదేవి డ్రామా కంపెనీ షోలో భాగంగా ఆమె జీవితంలో ఎదుర్కొన్న సమస్యల గురించి చెప్పుకొచ్చింది.
సింహాచలం దగ్గరలోని ప్రహ్లాదపురంలో బాబు విద్యానికేతన్ లో పదో తరగతి వరకు చదువుకున్నారు. ఆమె చదువుకుంటున్న రోజుల్లోనే డాన్స్పై ఉన్న ఆసక్తితో రోజు ప్రాక్టీస్ చేసేవారు. టెన్త్ క్లాస్ అర్హత మీద ఆర్టీసీలో ఉద్యోగవకాశాలు ఉన్నాయని.. అమ్మ, తమ్ముడు చెప్పడంతో దానికి దరఖాస్తు చేసుకుంది. 2011లో ఝాన్సీకి జాబ్ వచ్చింది. ఆ ఏడాదే ట్రైనింగ్ కంప్లీట్ చేసి.. 2012లో గాజువాక ఆర్టీసీ డిపోలో ఉద్యోగంలో జాయిన్ అయింది. అయితే జాబ్ వచ్చినా కూడా డాన్స్ మీద ఉన్న ఇష్టంతో అక్కడక్కడా డాన్స్ ప్రొగ్రామ్స్ చేస్తూనే ఉండేది.
అలాగే కొన్ని టీవీ ఛానల్స్లోనూ తన నృత్య ప్రదర్శనలు ఇచ్చింది. జెమినీ టీవీ డాన్సింగ్ స్టార్ ప్రొగ్రామ్లోనూ పోటీ చేసింది. అంతేకాదు మెగాస్టార్ చిరంజీవి చేతుల మీదుగా ఫస్ట్ ప్రైజ్ అందుకుంది. అప్పుడు అంతా ఆమెను పొగడ్తలతో ముంచెత్తారు. అలా ప్రారంభమైన ఝాన్సీ ప్రయాణం తర్వాత వెనుదిరిగి చూసుకోలేదు. పదేళ్ల క్రితం మాటీవీలో రంగం 2 అనే కార్యక్రమంలోనూ, జీ తెలుగులో వచ్చిన తీన్మార్ అనే కార్యక్రమంలో డాన్సర్గా చేసింది. ఇప్పుడు ఈ శ్రీదేవి డ్రామా కంపెనీలో వేసిన డాన్స్తో మరో లెవల్కు వెళ్లిపోయింది.
కొత్త సినిమాలోని పల్సర్ బైక్ సాంగ్కు ఊర మాస్ స్టెప్పులేసి ఇరగదీసింది. అక్కడ ఉన్న జడ్జి ఆమనితోపాటు యాంకర్ రష్మీ, హైపర్ ఆది, రాంప్రసాద్ ఇలా స్టేజిపై ఉన్న వాళ్లంతా ఆమెతో కలిసి స్టెప్పులేయడంతో స్టేజీ దద్దరిల్లింది. సోషల్ మీడియాలో ఎక్కడ చూసినా గాజువాక లేడీ కండక్టర్ డ్యాన్స్ న్యూసే ట్రెండింగ్లో ఉంది. ఇంక నెటిజన్లు కొందరు పనిలో పనిగా ఆమె పాత డాన్స్ వీడియోలను కూడా వైరల్ చేస్తున్నారు. అయితే ఝాన్సీ ఇంటర్ ఫస్టియర్ లో ఉన్నప్పుడే లవ్ మ్యారేజ్ చేసుకుంది. తన భర్త కూడా ఒక డాన్సరే. నేను చేసిన ప్రతి టీవీ ప్రోగ్రాంలో బ్యాక్ గ్రౌండ్ డాన్సర్ గా నా హస్బెండ్ ఉంటారు అని చెప్పుకొచ్చింది ఝాన్సీ.
టీ20 ప్రపంచ కప్ 2026 ట్రోఫీ సాధించిన అనంతరం యావత్ భారతదేశం సంతోషంలో మునిగిపోగా టీమిండియా ప్లేయర్లు తమ కుటుంబ…
కువైట్ నుంచి తాను సురక్షితంగా ఇండియాకు చేరుకున్నానని నటి ఊర్వశి రౌటేలా వెల్లడించింది. తాను ముంబైకి చేరుకున్నానని చెబుతూ ఆమె…
టీ20 వరల్డ్ కప్ 2026లో విజయం సాధించిన భారత క్రికెట్ జట్టుకు భారత క్రికెట్ నియంత్రణ మండలి (బీసీసీఐ) భారీ…
ప్రతి ఏడాదిలాగే ఈసారి కూడా ఆస్కార్ సందడి మొదలైంది. 2025 సంవత్సరానికి ఇచ్చే ఆస్కార్ అవార్డుల కార్యక్రమాన్ని ఈ నెల…
భారతదేశాన్ని తొలిసారి సందర్శించే ఎవరికైనా ఈ దేశంలోని ఆహార సంస్కృతి అద్భుతమైన అనుభూతిని కలిగిస్తుందని నటి ప్రియాంక చోప్రా అన్నారు.…
భారత జట్టు ఐసీసీ పురుషుల టీ20 ప్రపంచకప్ 2026ను గెలుచుకున్న అనంతరం క్రికెటర్ హార్దిక్ పాండ్యా వ్యక్తిగత జీవితం మరోసారి…
ఐకాన్ స్టార్ అల్లు అర్జున్ ఇటీవలే తన 15వ వివాహ వార్షికోత్సవం సందర్భంగా భార్య స్నేహా రెడ్డికి విలాసవంతమైన మెర్సిడెస్-బెంజ్…
ఇండియన్ ప్రీమియర్ లీగ్ (ఐపీఎల్) 19వ ఎడిషన్ మార్చి 28, 2026న ప్రారంభం కానుంది. ఈ తేదీని అధికారిక ప్రసార…