Facebook : సోమవారం రాత్రి 9 గంటల నుంచి మంగళవారం ఉదయం 3 గంటల వరకు ఫేస్బుక్, వాట్సాప్, ఇన్స్టాగ్రామ్లు పనిచేయలేదు. ఈ నెట్వర్క్లకు చెందిన సేవలు నిలిచిపోయాయి. దీంతో యూజర్లకు ఏం జరుగుతుందో అర్థం కాలేదు. చాలా మంది తమ ఇంటర్నెట్ పనిచేయడం లేదు కావచ్చని అనుకున్నారు. కానీ అసలు విషయం తెలిసి ఊపిరి పీల్చుకున్నారు.
అయితే రోజూ చాలా మంది ఈ మూడు నెట్వర్క్లకు చెందిన సేవలను విస్తృతంగా ఉపయోగిస్తుంటారు. మీడియా కూడా ఎక్కువగా వీటిని వాడుతుంది. అందులోనూ రాత్రి సమయం కనుక వీటి సేవలు ఆగిపోవడంతో చాలా మందికి సమస్యగా మారింది. మళ్లీ ఎప్పుడు అవి పనిచేస్తాయోనని ఆందోళన చెందారు. అయితే ఎట్టకేలకు సేవలను పునరుద్ధరించారు.
ఇక 6 గంటల పాటు ఫేస్బుక్, వాట్సాప్, ఇన్స్టాగ్రామ్ల సేవలు నిలిచిపోయినందున ఫేస్బుక్కు దాదాపుగా 600 కోట్ల డాలర్ల మేర నష్టం జరిగింది. ఇక ఫేస్బుక్ స్టాక్ 4.9 శాతం తగ్గింది. మార్క్ జుకర్బర్గ్ వ్యక్తిగత సంపద 6 బిలియన్ డాలర్లకు పైగా పడిపోయింది. స్టాక్ స్లయిడ్ లో జుకర్ బర్గ్ ఆస్తి విలువ 121.6 బిలియన్ డాలర్లకు పడిపోగా.. ఆయన సంపన్నుల జాబితాలో 5వ స్థానానికి చేరుకున్నారు.
