Dulquer Salmaan : దుల్కర్ సల్మాన్ హీరోగా.. మణిరత్నం దర్శకత్వంలో తెరకెక్కిన ఓ కాదల్ కణ్మని చిత్రం ద్వారా తెలుగు ప్రేక్షకులకు ఎంతో సుపరిచితం అయ్యాడు. ఈ సినిమా ద్వారా తెలుగు ప్రేక్షకాదరణ సంపాదించుకున్న దుల్కర్ సల్మాన్ ఆ తరువాత తను నటించిన సినిమాలు తెలుగులో డబ్ అవ్వడం వల్ల తెలుగు ప్రేక్షక అభిమానుల దక్కించుకున్నారు. తాజాగా శ్రీనాథ్ రాజేంద్రన్ దర్శకత్వంలో దుల్కర్ హీరోగా తెరకెక్కిన చిత్రం కురుప్. ఈ సినిమా నవంబర్ 12వ తేదీన విడుదల అయినప్పటికీ పలు వివాదాల్లో చిక్కుకుంది.
ఈ సినిమాని ఒక పేరు మోసిన క్రిమినల్ జీవిత ఆధారంగా ఒక క్రైమ్ థ్రిల్లర్ గా తెరకెక్కించారు. అయితే ఈ సినిమాను తీయడం వల్ల సుకుమార కురుప్ అనే నేరస్తుడి గోప్యతను వెల్లడించినట్లు అవుతుందని భావించిన కేరళకు చెందిన ఒక వ్యక్తి ఈ సినిమాపై కోర్టులో పిటిషన్ దాఖలు చేశాడు. ఇలా కోర్టులో పిటిషన్ దాఖలు చేయడంతో ఈ సినిమాపై కోర్టు స్టే విధించడానికి నిరాకరించింది.
అయితే ఈ సినిమా నిర్మాతలకు మాత్రం కేంద్ర రాష్ట్ర ప్రభుత్వాలు, ఇంటర్ పోల్ నోటీసులను జారీ చేశాయి. ఎన్నో అంచనాల నడుమ విడుదలైన ఈ సినిమా చివరికి వివాదంలో చిక్కుకున్నప్పటికీ ఈ సినిమా 12వ తేదీ విడుదల అయ్యి మొదటి రోజే ప్రేక్షకుల నుంచి మంచి పాజిటివ్ టాక్ సంపాదించుకుంది.
