రూ.4 కోట్లు పెట్టి కొన్న కోబ్రా మూవీకి.. ఎంత లాభం వచ్చిందో తెలిస్తే షాకవుతారు..

చియాన్ విక్రమ్, సెన్సేషనల్ డైరెక్టర్ ఆర్ అజయ్ జ్ఞాన‌ముత్తు కాంబినేషన్‌లో కోబ్రా మూవీని తెరకెక్కించారు. 7 స్క్రీన్ స్టూడియో బ్యానర్ పై ఎస్.ఎస్ లలిత్ కుమార్ ఈ సినిమాను ప్రతిష్టాత్మకంగా నిర్మించారు. ఇటీవల ప్రేక్షకుల ముందుకు వచ్చిన కోబ్రా చిత్రం ప్రేక్షకులు, సినీ విమర్శకుల నుంచి మిశ్రమ స్పందనను సొంతం చేసుకుంది. టాక్‌తో సంబంధం లేకుండా ఈ సినిమా భారీ కలెక్షన్లతో బాక్సాఫీస్ యాత్రను ప్రారంభించింది. చాలాకాలం పాటు కోబ్రా విడుదల వాయిదా పడుతూ వచ్చింది. చివరకు బుధవారం గ్రాండ్ గా రిలీజ్ అయ్యి మంచి వసూళ్లను సొంతం చేసుకుంటోంది. ఫస్ట్ డే మార్నింగ్ షో నుంచే యావరేజ్ టాక్ సొంతం చేసుకున్న కోబ్రాకి మంచి ఓపెనింగ్స్ వచ్చాయి.

నైజాం, సీడెడ్ మరియు ఆంధ్ర ప్రాంతాల్లో ఈ సినిమాకి మార్నింగ్ షోస్ నుండే మంచి ఆక్యుపెన్సీస్ వచ్చాయి. దీంతో ఈ సినిమా ఇటీవల కాలంలో విక్రమ్ మూవీస్ లో అత్యధిక ఓపెనింగ్స్ సాధించిన చిత్రంగా పేరు తెచ్చుకుంది. తెలుగులో అపరిచితుడు మూవీ నుంచి విక్రమ్ కి మంచి క్రేజ్ మరియు ఫాలోయింగ్ ఉండడంతో ఈ సినిమాకి దాదాపుగా రూ.4 కోట్ల 50 లక్షల ప్రీ రిలీజ్ థియేట్రికల్ బిజినెస్ జరిగింది. కోబ్రా విడుదలైన రోజు వినాయక చవితి కావడంతో అది మూవీకి ప్లస్ అని చెప్పవచ్చు. మొదటి రోజు తెలుగు మరియు తమిళ్ వెర్షన్స్ లో దుమ్మురేపే కలెక్షన్స్ వచ్చాయి.

టాలీవుడ్ లో ఒక పక్క పవన్ కళ్యాణ్ జల్సా మరియు తమ్ముడు సినిమాల రీ రిలీజ్ మానియాను తట్టుకొని కూడా ఈ సినిమా మంచి ఓపెనింగ్స్ ని దక్కించుకుంది అంటే మాములు విషయం కాదు. మొదటి రోజే ఈ సినిమా తెలుగు వర్షన్ లో 2 కోట్ల రూపాయిల వరుకు షేర్ వసూళ్లను సాధించింది. అంటే ప్రీ రిలీజ్ థియేట్రికల్ బిజినెస్ ని మొదటి రోజే 50 శాతం రీచ్ అయిపోయింది అన్నమాట. మూవీ టాక్ కూడా పాజిటివ్ గా ఉండడంతో టాలీవుడ్ లో సూపర్ హిట్ అయ్యే ఛాన్స్ ఉంది. ఈ సినిమా వీక్ డేస్ లో మరిన్ని వసూళ్లు రాబడుతూ దూసుకుపోతే కచ్చితంగా ఫుల్ రన్ రూ.2 నుంచి 3 కోట్ల లాభాలు వచ్చే అవకాశం ఉందని ట్రేడ్ వర్గాల అంచనా. ఏదిఏమైనా చాన్నాళ్ల తర్వాత కోబ్రాతో విక్రమ్ కి సాలిడ్ హిట్ పడింది.