Anchor Devi : యాంక‌ర్ దేవిపై ఆ ద‌ర్శ‌కుడు ఫైర్.. నేనైతే నాలుగు త‌న్నేవాడిని.. అని కామెంట్స్‌..!

Anchor Devi : ప్ర‌స్తుతం టాలీవుడ్‌లో ఉన్న హాట్ టాపిక్ ఏంటంటే విశ్వక్ సేన్- దేవి మ‌ధ్య జ‌రిగిన గొడ‌వ‌. విశ్వక్ సేన్ తన తాజా చిత్రం అశోకవనంలో అర్జున కల్యాణం ప్రమోషన్స్‌లో భాగంగా ప్రాంక్ వీడియో చేసి వివాదంలో చిక్కుకోగా, ఈ ప్రాంక్ వీడియోపై ఓ తెలుగు టీవీ ఛానల్ చర్చా కార్యక్రమం నిర్వహించగా.. ఆ ఛానల్ యాంకర్‌కు, విశ్వక్ సేన్‌కు మధ్య తీవ్రస్థాయిలో వాగ్వాదం జరిగింది. ఈ సందర్భంగా ఆవేశానికి గురైన విశ్వక్ సేన్ ఓ అభ్యంతరకర పదం వాడడం విమర్శలకు దారితీసింది. దీంతో సదరు యాంకర్ అతన్ని గెట్ ఔట్ అంటూ బయటకు పంపింది.

దేవి నాగవ‌ల్లి .. విశ్వ‌క్‌ని దారుణంగా అవ‌మానించ‌డం, ఆ త‌ర్వాత త‌ల‌సాని శ్రీనివాస్ యాద‌వ్‌ని క‌లిసి విశ్వ‌క్‌పై కంప్లైంట్ చేయ‌డం వంటివి జ‌రిగాయి. దేవి వెంట జర్నలిస్ట్ ఫోరం సభ్యులు కూడా ఉన్నారు. దేవి ఫిర్యాదుపై మంత్రి తలసాని స్పందించారు. ఈ అంశాన్ని పరిశీలించి తగిన చర్యలు తీసుకుంటామని హామీ ఇచ్చారు. ఇలా ప్రాంక్ వీడియోల పేరిట రోడ్లపై ప్రజలను ఇబ్బందులకు గురిచేయడం సరికాదని, దీనిపై తాను పోలీసు అధికారులతో మాట్లాడతానని చెప్పారు. యాంకర్ దేవి నాగవల్లి, హీరో విశ్వక్సేన్ మధ్య జరిగిన వాగ్వాదాన్ని కూడా తాను చూశానని తెలిపారు. అలాంటి ప్రవర్తనను ఎవరూ అంగీకరించరని స్పష్టం చేశారు.

అయితే యాంకర్ దేవి – విశ్వక్ సేన్‌ల మధ్య గొడవపై భిన్న వాదనలు వినిపిస్తున్నాయి. కొంద‌రు విశ్వ‌క్ సేన్‌ని స‌పోర్ట్ చేస్తుండ‌గా, మ‌రి కొందరు మాత్రం దేవిని స‌పోర్ట్ చేస్తున్నారు. అయితే పెద్ద హీరోల‌ని దేవి ఆ మాట అనగలదా ? బయటకు పొమ్మనగలరా ? అంటూ విశ్వక్ సేన్‌కి మద్దతుగా నిలుస్తున్నారు చాలామంది నెటిజన్లు. ఈ నేపథ్యంలో యువ దర్శకుడు బండి సరోజ్ కుమార్ స్పందిస్తూ.. వాడు మంచోడు కాబట్టి.. ఆ ప‌దం అని సరిపెట్టాడు.. నేనైతే నాలుగు తగిలించేవాడ్ని.. నా దృష్టిలో జెండర్ కార్డ్ అనేది జాతి, కులం, మతం కార్డ్స్‌కి ఏ మాత్రం అతీతం కాదు.. ఫస్ట్ మనిషి.. అంటూ యాంకర్ దేవికి ఇన్ డైరెక్ట్‌గా కౌంటర్ ఇచ్చాడు. కాగా బండి సరోజ్ కుమార్.. నిర్భంధం, నిర్భధం 2 చిత్రాలతో పేరు సంపాదించుకున్నారు.