Bigg Boss Telugu 6 : లీకైన బిగ్ బాస్ 6 కంటెస్టెంట్స్ ఫైనల్ లిస్ట్.. ఎవరెవరు ఉన్నారంటే..?

Bigg Boss Telugu 6 : బుల్లితెరపై సందడి చేసేందుకు బిగ్‌బాస్‌ రెడీ అవుతున్నారు. తెలుగులో ఐదు సీజన్లు విజయవంతంగా పూర్తి చేసుకున్న బిగ్‌ రియాల్టీ షో ఆరో సీజన్‌ సెప్టెంబర్‌ 4న ప్రారంభం కానుంది. తెలుగు బిగ్ బాస్ షోకి కింగ్ నాగార్జున పర్మనంట్ హోస్ట్ గా మారిపోయారు. తొలి సీజన్ కి ఎన్టీఆర్, రెండవ సీజన్ కి నాని హోస్ట్ గా చేశారు. ఇక మూడవ సీజన్ నుంచి నాగార్జున హోస్ట్ గా చేస్తున్నారు. ఆదివారం నుంచి బిగ్ బాస్ సీజన్ 6 ప్రారంభం అవుతుండగా.. ఇప్పటికే కొంతమంది కంటెస్టెంట్స్ హైదరాబాద్ చేరుకున్నారు.

ఇక కంటెస్టెంట్స్ విషయానికి వస్తే.. చివరి నిమిషం వరకూ సెలెక్ట్ చేసిన 25 మంది లిస్ట్‌లో ఫైనల్ అయ్యే వాళ్ల వివరాలను సీక్రెట్‌గానే ఉంచగా.. లీకైన సమాచారం ప్రకారం 19 మంది కంటెస్టెంట్స్ వివరాలు బయటకు వచ్చాయి. అందులో ఆర్య మూవీలో అ అంటే అమలాపురం అంటూ ఐటమ్ సాంగ్‌తో ఊపేసిన అభినయ శ్రీ లిస్ట్‌లో ఉండటం విశేషం. ఈమెతోపాటు.. ఓ కామన్ మేన్ కూడా ఉన్నారు. ఆ 19 మంది కంటెస్టెంట్స్ లిస్ట్‌తో పాటు వెయిటింగ్‌లో ఉన్న మరికొంతమంది లిస్ట్ చూద్దాం.

ఇస్మార్ట్ అంజలి, యాంకర్ నేహా చౌదరి, గలాట్టా గీతు-గీతు రాయల్, వాసంతీ కృష్ణన్, సుదీప పింకీ, కీర్తి భట్, జబర్దస్త్ ఫైమా, అభినయశ్రీ, సీరియల్ నటి శ్రీ సత్య, ఇనయా సుల్తానా, బాలాదిత్య, యూట్యూబర్ ఆది రెడ్డి, నటుడు అర్జున్ కళ్యాణ్, మోడల్ రాజశేఖర్, జబర్దస్త్ చలాకీ చంటి, నటుడు శ్రీహన్, గాయకుడు రేవంత్, RJ సూర్య తదితరులు బిగ్ బాస్ హౌస్ లోకి వచ్చే అవకాశం ఉంది. అయితే షో యొక్క మొదటి రోజు మాత్రమే పోటీదారుల అధికారిక జాబితా బయటకు వస్తుంది.

ఇదిలా ఉండగా ఈ సారి బిగ్‌బాస్‌ హౌస్ ని గత సీజన్లకు భిన్నంగా, మరింత అందంగా ముస్తాబు చేశారు. తాజాగా విడుదల చేసిన ఫస్ట్‌ గింప్స్‌లో ఇంటిని చూపించారు. అంతేకాదు.. అందులో పాల్గొనే కంటెస్టెంట్స్‌ ఎంట్రీని, వారి ఫెర్ఫార్మెన్స్‌కు సంబంధించిన కొన్ని విజువల్స్‌ని చూపించారు. అయితే ప్రతి సీజన్ లో అవే టాస్కులు, గేమ్స్ రిపీట్ అవుతున్నాయి. కనీసం సీజన్ 6లో అయినా కాస్త వైవిధ్యం చూపిస్తారేమో చూడాలి.