Beast Movie Trailer : సోష‌ల్ మీడియాను షేక్ చేస్తున్న విజ‌య్ బీస్ట్ మూవీ ట్రైల‌ర్‌..!

Beast Movie Trailer : త‌మిళ స్టార్ న‌టుడు విజ‌య్‌, బుట్ట బొమ్మ పూజా హెగ్డెలు జంట‌గా న‌టిస్తున్న చిత్రం.. బీస్ట్‌. ఈ మూవీ లోంచి రెండు పాటలు ఈ మ‌ధ్యే విడుద‌ల కాగా వాటిల్లో అర‌బిక్ కుతు అనే సాంగ్ ప్రేక్ష‌కుల‌ను విప‌రీతంగా ఆక‌ట్టుకుంది. ఎంత‌లా అంటే.. ఈ పాట‌కు ఇప్ప‌టికే చాలా మంది సెల‌బ్రిటీలు సైతం డ్యాన్స్‌లు చేసి త‌మ ముచ్చ‌ట‌ను తీర్చుకున్నారు. ఇక శ‌నివారం ఈ సినిమాకు చెందిన ట్రైల‌ర్‌ను లాంచ్ చేశారు. ఇది ఒక రేంజ్‌లో ఉంద‌ని చెప్ప‌వ‌చ్చు.

బీస్ట్ మూవీలో విజ‌య్.. వీర‌రాఘ‌వ‌న్ అనే గూఢ‌చారి పాత్ర‌లో న‌టిస్తున్నాడు. నెల్స‌న్ దిలీప్‌కుమార్ ద‌ర్శకత్వం వ‌హించారు. ఈ మూవీ మొత్తం ఒక షాపింగ్‌మాల్‌లో జ‌రుగుతుంద‌ని ట్రైల‌ర్‌ను చూస్తే తెలుస్తోంది. ఇక ఈ మూవీలో ప్రేక్ష‌కుల‌కు కావ‌ల్సిన మాస్ ఎలిమెంట్స్ అన్నీ ఉన్నాయ‌ని ట్రైల‌ర్‌ను చూస్తే స్ప‌ష్ట‌మ‌వుతోంది. ఒక మాల్‌లో చొర‌బ‌డ్డ ఉగ్ర‌వాదులు దాన్ని త‌మ అధీనంలోకి తెచ్చుకుంటారు. అయితే అనుకోకుండా అదే మాల్‌లో ఉన్న గూఢ‌చారి వీర‌రాఘ‌వ‌న్ ఉగ్ర‌వాదుల ఆట‌క‌ట్టిస్తాడు. ఈ క‌థాంశంతో సినిమా తీశార‌ని ట్రైల‌ర్‌ను చూస్తే అర్థ‌మ‌వుతోంది.

ఇక ఈ మూవీ ట్రైల‌ర్‌ను చూసేందుకు ఫ్యాన్స్ ఏకంగా త‌మిళ‌నాడులో థియేట‌ర్ల వ‌ద్ద క్యూ కట్టారంటే బీస్ట్ ఫీవ‌ర్ ఎలా ఉందో అర్థం చేసుకోవ‌చ్చు. సోష‌ల్ మీడియాను సైతం ఈ ట్రైల‌ర్ షేక్ చేస్తోంది. ఈ ట్రైల‌ర్‌ను లాంచ్ చేసిన 15 నిమిషాల‌కే దీనికి 20 ల‌క్ష‌ల‌కు పైగా వ్యూస్ వ‌చ్చాయి. అలాగే 2.60 ల‌క్ష‌ల లైక్స్ వ‌చ్చాయి. ఇక ఈ మూవీని ఏప్రిల్ 13వ తేదీన భారీ ఎత్తున థియేట‌ర్ల‌లో విడుద‌ల చేయ‌నున్నారు.