Anushka Shetty : బంగారం లాంటి భర్తను పట్టేసిన స్వీటీ.. అనుష్క చేసుకోబోయే వరుడు ఎవరో తెలుసా..?

Anushka Shetty : పూరీ జగన్నాథ్ డైరెక్షన్ లో కింగ్ నాగార్జున హీరోగా వచ్చిన సూపర్ సినిమాతో టాలీవుడ్‌లోకి ఎంట్రీ ఇచ్చింది అనుష్క. సూపర్ మూవీ హిట్ అవ్వడంతో వరుసగా స్టార్ హీరోల సరసన నటించింది స్వీటీ. అనుష్క శెట్టి ఓ వైపు టాప్ హీరోలతో నటిస్తూనే.. మరోవైపు లేడీ ఓరియెంటెడ్ సినిమాల‌తో సత్తాచాటింది. అరుంధతి సినిమాతో అనుష్క రేంజ్ ఒక్కసారిగా పెరిగిపోయింది. ఆ తర్వాత బాహుబలి, భాగమతి లాంటి సినిమాలు స్వీటీ ఇమేజ్‌ను మరింత పెంచాయి. ఇటీవల పూర్తిగా సినిమాలు తగ్గించిన అనుష్క.. చివరిగా హేమంత్ మధుకర్ దర్శకత్వంలో వచ్చిన నిశ్శబ్ధం మూవీలో నటించింది. ఆ తరువాత వెండితెరపై కనిపించలేదు అనుష్క.

అనుష్క ఇండస్ట్రీకి వచ్చి 17 ఏళ్లకు పైనే అయ్యింది. 40 ఏళ్లు వయసున్న స్వీటీ మాత్రం ఇంకా వివాహ బంధంలోకి అడుగుపెట్టలేదు. అయితే ఆమె పెళ్లిపై ఎప్పుడూ వార్తలు చక్కర్లు కొడుతూనే ఉంటాయి. ప్రభాస్‌తో అనుష్క ప్రేమలో ఉందంటూ అప్పట్లో పుకార్లు వచ్చాయి. అంతేకాదు వాళ్ళిద్దరూ చెట్టాపట్టాలేసుకుని తిరిగారని, పెళ్ళి చేసుకోవాలనుకుంటున్నారని వార్తలు సోషల్ మీడియాలో గుప్పుమన్నాయి. అయితే ఈ విషయంపై అటు ప్రభాస్, ఇటు అనుష్క స్పందించలేదు. తాజాగా అనుష్క శెట్టి పెళ్లికి సంబంధించి ఓ వార్త సోషల్ మీడియాలో వైరల్ అవుతుంది. త్వరలోనే అనుష్క పెళ్లి పీట‌లు ఎక్కబోతున్నట్లు తెలుస్తుంది.

దీనికి సంబంధించిన అఫీషియల్ ప్రకటన త్వరలో రానుంది అంటున్నారు సినీవర్గాలు. హైదరాబాద్ కి చెందిన ప్రముఖ వ్యాపారవేత్తను అనుష్క వివాహం చేసుకోబోతున్నట్లు తెలుస్తుంది. అంతేకాదు అతడు బంగారం వ్యాపారం చేస్తున్నట్లు కూడా సమాచారం. సిటీలో అతనికి దాదాపు 25కు పైగా బ్రాంచెస్ ఉన్నట్లు సోషల్ మీడియాలో వార్తలు వైరల్ అవుతున్నాయి. ఇది పెద్దలు కుదిర్చిన వివాహమే అట. ఈ విషయాన్ని అనుష్క ఫ్రెండ్స్ లో ఒకరైన అమ్మాయి ఈ వార్తను వైరల్ చేసినట్టు తెలుస్తుంది. అనుష్క కాబోయే భర్త ఎవరో.. ఎలా ఉంటాడో.. ఎప్పుడు మనకు ఈ గుడ్ న్యూస్ చెప్తారో చూడాలి.