Anasuya Kota Srinivasa Rao : ఎన్నో సినిమాలలో అద్భుతమైన నటన ద్వారా ఎన్నో అవార్డులను సొంతం చేసుకున్న సీనియర్ నటుడు కోట శ్రీనివాసరావు ఈ మధ్య కాలంలో సోషల్ మీడియా వేదికగా పలు ఇంటర్వ్యూలకు హాజరు అవుతూ సంచలన వ్యాఖ్యలు చేస్తున్నారు. ఈ క్రమంలోనే కోట శ్రీనివాసరావు మాట్లాడుతూ యాంకర్ అనసూయ గురించి సంచలన వ్యాఖ్యలు చేశారు. అనసూయ నటన పరంగా, డాన్స్ పరంగా ఎంతో అద్భుతంగా చేస్తుందని, ఆమె వస్త్రధారణ ఏమాత్రం బాగుండని బయటకు చెప్పేశారు.
కోట శ్రీనివాస్ రావు చేసిన ఈ వ్యాఖ్యలు సోషల్ మీడియాలో వైరల్ గా మారడంతో వీటిపై అనసూయ స్పందిస్తూ ఘాటుగా విమర్శలు చేసింది. కోట శ్రీనివాస రావు పేరు ఎత్తకుండా కొందరు సీనియర్ నటులు నా వస్త్రధారణ గురించి కామెంట్లు చేస్తున్నారు. అయితే నా వస్త్రధారణ అనేది నా వ్యక్తిగతం. నా వృత్తి ఆధారంగా వేసుకోవాల్సి వస్తుంది. అయినా ఆయన నటించిన ఎన్నో సినిమాలలో మహిళలను కించపరిచే సన్నివేశాలు ఉన్నాయి. వీటి గురించి ఎవరూ ప్రశ్నించరా.. అంటూ ఆమె సందేహాలను వ్యక్తం చేసింది.
అదే విధంగా తనకు పెళ్లయి ఇద్దరు పిల్లలు ఉన్నారని.. తాను జీవితంలో ఎదగడం కోసం ఎంతో కష్టపడుతున్నానని.. మీకు నచ్చడం లేదా ? అలాగైతే మీ పని మీరు చూసుకోండి.. అంటూ ఇన్ డైరెక్ట్ గా కోట శ్రీనివాస్ రావు వ్యాఖ్యలకు స్పందించి తనదైన శైలిలో అనసూయ కౌంటర్ ఇచ్చింది.
