Amir Khan : బాలీవుడ్ న‌టుడు అమీర్‌ఖాన్‌పై నెటిజ‌న్ల తీవ్ర ఆగ్ర‌హం.. కార‌ణం అదే..!

Amir Khan : ఆర్య‌న్ ఖాన్ డ్ర‌గ్స్ కేసులో ఇప్ప‌టికే బాలీవుడ్‌పై అనేక విమర్శ‌లు, ట్రోల్స్ వ‌స్తున్నాయి. అది చాల‌ద‌న్న‌ట్లు తాజాగా ఇంకో వివాదం వారి వైపు వేలెత్తి చూపిస్తోంది. ముఖ్యంగా న‌టుడు అమీర్‌ఖాన్ చేసిన ఓ యాడ్ పెను దుమారం రేపుతోంది.

దీపావ‌ళి పండుగ సంద‌ర్భంగా కొంద‌రు ర‌హ‌దారుల‌పై కూడా బాణ‌సంచా కాలుస్తుంటారు. అయితే ఈ అంశం నేప‌థ్యంలో అమీర్ ఖాన్ సియ‌ట్ కంపెనీ తీసిన ఓ యాడ్‌లో న‌టించారు. అందులో పిల్ల‌లు బాణ‌సంచాను రోడ్డుపై కాలుస్తుంటారు. అమీర్ బ‌య‌ట‌కు వ‌చ్చి.. రోడ్లు ఉన్న‌వి వాహ‌నాల‌కు, ప‌టాకులు కాల్చ‌డానికి కాదు.. అని చెబుతాడు.

అయితే దీపావ‌ళి గురించే అమీర్ ఎందుకు ఇలా చెబుతున్నారు ? ఎంతో మంది ముస్లింలు రోడ్ల మీద కూడా న‌మాజ్ చేస్తారు క‌దా ? అప్పుడు వాహ‌నాలను ఆప‌డం గుర్తుకు రావ‌డం లేదా ? అంటూ నెటిజన్లు తీవ్ర ఆగ్ర‌హం వ్య‌క్తం చేస్తున్నారు. ఈ క్ర‌మంలోనే సియ‌ట్ టైర్స్ కంపెనీని కూడా ఈ యాడ్ తీసినందుకు పెద్ద ఎత్తున విమ‌ర్శిస్తున్నారు.