Allu Arjun : మాల్దీవుల‌లో బ‌న్నీ ఫ్యామిలీ ఎంత‌గా ఎంజాయ్ చేస్తున్నారో చూడండి..!

Allu Arjun : టాలీవుడ్ క్యూట్ క‌పుల్స్‌లో అల్లు అర్జున్ – స్నేహా రెడ్డి జంట ఒక‌టి. వీరికి అయాన్, అర్హ అనే ఇద్ద‌రు చిన్నారులు ఉన్నారు. బ‌న్నీ సినిమా షూటింగ్స్‌తో ఎంత బిజీగా ఉన్నా కూడా ఫ్యామిలీకి కొంత స‌మ‌యం కేటాయిస్తూ ఉంటాడు. క‌రోనా వ‌ల్ల వీరు ఎటూ వెళ్లలేక‌పోయారు. ఈ మ‌ధ్యే కాస్త బ‌య‌ట అడుగుపెడుతున్నారు. తాజాగా ఐకాన్‌ స్టార్‌ అల్లు అర్జున్‌ తన కుటుంబంతో కలిసి మాల్దీవులో వాలిపోయాడు. భార్య స్నేహా రెడ్డి, కొడుకు అయాన్‌, కూతురు అర్హలతో కలిసి అక్కడ ఎంజాయ్‌ చేస్తున్నాడు.

బ‌న్నీ స‌తీమ‌ణి స్నేహా రెడ్డి తాము మాల్దీవుల‌లో ఎంజాయ్ చేస్తున్న‌ట్టు వీడియో ద్వారా తెలియ‌జేసింది. వీడియోలో అర్హ, ఆయాన్‌, బన్నీ స్విమ్మింగ్‌ ఫూల్‌లో సరదాగా ఈత కొడుతున్నట్టుగా క‌నిపిస్తున్నారు. అక్క‌డి ప్రాంతం కూడా చాలా ఆహ్లాదంగా ఉంది. స్నేహా రెడ్డి షేర్ చేసిన వీడియోకి నెటిజ‌న్స్ నుండి సూప‌ర్భ్ రెస్పాన్స్ వ‌స్తోంది.

దర్శకుడు సుకుమార్‌, సంగీత దర్శకుడు దేవిశ్రీ ప్రసాద్ తో ముచ్చ‌ట‌గా మూడో సారి జ‌త‌క‌ట్టాడు బ‌న్నీ. పుష్ప అనే సినిమాతో త్వ‌ర‌లో వీరు ప్రేక్ష‌కుల ముందుకు రానుండ‌గా, ఈ మూవీపై అభిమానుల‌లో భారీ అంచ‌నాలు ఉన్నాయి. ఈ సినిమా రెండో పాటకి సంబంధించిన ప్రోమో తాజాగా విడుదలైంది. ‘చూపే బంగారమాయనే శ్రీవల్లి’ అంటూ సాగే గీతాన్ని తెలుగులో సిధ్‌ శ్రీరామ్‌ ఆలపించారు. చంద్రబోస్‌ రచించారు. పూర్తిగీతం ఈ నెల 13న విడుదలకానుంది.