Akira Nandan : వాహ్‌.. అకీరానంద‌న్‌.. ఏడిపించేశావు క‌ద‌య్యా..!

Akira Nandan : ప‌వ‌ర్ స్టార్ ప‌వ‌న్ క‌ల్యాణ్‌, రేణు దేశాయ్‌ల ముద్దుల త‌న‌యుడు అకీరా నంద‌న్ గురించి ప్ర‌త్యేకంగా చెప్పాల్సిన ప‌నిలేదు. అకీరా నంద‌న్ ఈ మ‌ధ్యే త‌న బ‌ర్త్ డే సంద‌ర్భంగా ర‌క్త‌దానం చేసి మాన‌వ‌త్వం చాటుకున్నాడు. దీంతో అత‌న్ని తండ్రికి త‌గ్గ త‌న‌యుడు అని ఫ్యాన్స్ అంద‌రూ అభిమానించారు. అలాగే త‌నలోని టాలెంట్‌ల‌ను కూడా అకీరానంద‌న్ బ‌య‌ట పెడుతూ స‌త్తా చాటుతున్నాడు. ఇప్ప‌టికే పియానోపై ప‌లు పాట‌ల‌ను వాయించిన అకీరా నంద‌న్ త‌న‌లోని సంగీత టాలెంట్‌ను బ‌య‌ట పెట్టాడు. అయితే తాజాగా మ‌రోమారు పియానోపై ఓ సాంగ్‌ను వాయించి అంద‌రి ప్ర‌శంస‌ల‌ను అందుకుంటున్నాడు. ఇంత‌కీ అస‌లు విష‌యం ఏమిటంటే..

అకీరా నందన్ తాజాగా అడివి శేష్ న‌టించిన మేజ‌ర్ సినిమాలోని.. హృద‌యమా.. అంటూ సాగే పాట‌ను పియానోపై వాయించాడు. ఈ క్ర‌మంలోనే అడివి శేష్ ఈ పాట‌కు చెందిన వీడియోను త‌న ట్విట్ట‌ర్ ఖాతాలో పోస్ట్ చేసి దానికి ఒక కామెంట్ పెట్టాడు. నా కోసం ఈ సాంగ్‌ను కంపోజ్ చేసినందుకు అకీరా నంద‌న్‌కు చాలా థ్యాంక్స్.. అంటూ శేష్ ట్వీట్ చేశాడు. ఈ క్ర‌మంలోనే ఆయ‌న ట్వీట్ వైర‌ల్ అవుతుండ‌గా.. మ‌రోమారు అకీరానంద‌న్ లో ఉన్న టాలెంట్‌కు అంద‌రూ ఫిదా అవుతున్నారు. అత‌న్ని జూనియ‌ర్ ప‌వ‌ర్ స్టార్ అని కొనియాడుతున్నారు.

ఇక అకీరానంద‌న్ గ‌తంలోనూ ప‌లు పాట‌ల‌ను వాయించాడు. ఈ మ‌ధ్యే త‌న గ్రాడ్యుయేష‌న్ డే సంద‌ర్భంగా ఆర్ఆర్ఆర్‌లోని దోస్తీ పాట‌ను కీబోర్డుపై వాయించి ఆక‌ట్టుకున్నాడు. ఈ కార్యక్ర‌మానికి ప‌వ‌న్‌, రేణు ఇద్ద‌రూ హాజ‌రు కావ‌డం విశేషం. ఇక అడివి శేష్ మేజ‌ర్ విష‌యానికి వ‌స్తే.. ఈ మూవీ బాక్సాఫీస్ వ‌ద్ద ఘ‌న విజ‌యం సాధించి రికార్డు స్థాయిలో వ‌సూళ్ల దిశ‌గా ముందుకు సాగుతోంది. జూన్ 3వ తేదీన విడుద‌లైన ఈ మూవీకి ప్రేక్ష‌కులు బ్ర‌హ్మ‌ర‌థం ప‌డుతున్నారు. మేజ‌ర్ సందీప్ ఉన్నికృష్ణ‌న్ రియ‌ల్ లైఫ్ ఆధారంగా తెర‌కెక్కిన మూవీ కావ‌డంతో ప్రేక్ష‌కులు స‌హ‌జంగానే ఈ మూవీని ఆద‌రిస్తున్నారు. ముఖ్యంగా హిందీ మార్కెట్‌లోనూ ఈ మూవీ రికార్డుల‌ను సృష్టిస్తోంది.