Akira Nandan : అజ్ఞాతవాసి చిత్రం తర్వాత పవన్ సినిమాలు మానేశాడు. దీంతో కొన్నాళ్లు ఫ్యాన్స్ నిరాశలో ఉన్నారు. ఇక వకీల్ సాబ్ చిత్రంతో రీఎంట్రీ ఇవ్వగా, ఈ సినిమా మంచి విజయం సాధించింది. దీంతో వరుస సినిమాలు చేస్తున్నారు. ఇక పవన్ తనయుడి ఎంట్రీ కోసం అందరూ ఎదురు చూస్తుండగా, ఓ వార్త అభిమానులని ఆనందింపజేస్తోంది. క్రిష్ దర్శకత్వంలో పీరియాడిక్ డ్రామాగా తెరకెక్కుతున్న హరిహర వీరమల్లు చిత్రంలో అకీరా ఒక ప్రత్యేక పాత్రలో కనిపించనున్నాడట.
పవన్ కళ్యాణ్ నటిస్తోన్న తొలి పీరియాడిక్ మూవీ ‘హరిహర వీరమల్లు’. జాగర్లమూడి క్రిష్ దర్శకత్వంలో రూపొందుతోన్న ఈ చిత్రానికి ఎ.ఎం.రత్నం నిర్మాత. ఇప్పటికే సినిమా అరవై శాతం చిత్రీకరణ పూర్తిచేసుకుంది. భీమ్లా నాయక్ చిత్రీకరణ పూర్తయిన తర్వాత పవన్ ఈ సినిమాపై ఫుల్ ఫోకస్ పెడతారని సమాచారం. బందిపోటు పాత్రలో పవన్ కనిపించనుండగా, మొఘలు చక్రవర్తి ఔరంగజేబు పాత్రలో బాలీవుడ్ నటుడు అర్జున్ రాంపాల్ కనిపించబోతున్నారు. నిధి అగర్వాల్, జాక్వలైన్ ఫెర్నాండెజ్ హీరోయిన్స్గా నటిస్తున్నారు.
చిత్రంలో తండ్రీ – కొడుకుల మధ్య వచ్చే సన్నివేశాలు సినిమాకే హైలైట్ గా నిలవనున్నాయని, కొడుకు పాత్రలో అకీరా అయితే బాగుంటుందని భావించిన క్రిష్.. అకీరాని ఎంపిక చేసినట్టు తెలుస్తోంది. ఈ సినిమా కోసమే అకీరా కర్రసాము నేర్చుకున్నట్టు తెలుస్తోంది. మరి ఇందులో నిజం ఎంత ఉందనేది త్వరలోనే తేలనుంది.
స్పందించండి