Actress Archana : కెరీర్ ఆరంభంలో వేదగా పరిచయం అయి.. తరువాత అర్చనగా పేరు మార్చుకుని తెలుగు ప్రేక్షకుల అభిమానాన్ని చూరగొంది ఆమె. ఎన్నో హిట్ చిత్రాల్లో నటించిన అర్చన చక్కని నటి మాత్రమే కాదు.. మంచి డ్యాన్సర్ కూడా. ఈ క్రమంలోనే ఆమె ప్రస్తుతం సినిమాలకు దూరంగా ఉంటోంది. వివాహం అయ్యాక సినిమాలకు దాదాపుగా దూరం అయ్యిందనే చెప్పవచ్చు. భర్తతో కలసి ఈమె ప్రశాంతంగా జీవనం సాగిస్తోంది. అయితే ఈమె తాజాగా ఓ కార్యక్రమంలో తన జీవితానికి చెందిన పలు విషయాలను తెలియజేసింది. ఈ సందర్బంగా అర్చన ఎమోషనల్ కూడా అయింది.
అలీతో సరదాగా అనే కార్యక్రమంలో భర్త జగదీష్తో కలిసి పలు విశేషాలను నటి అర్చన పంచుకుంది. ఈ సందర్బంగా ఆమె మాట్లాడుతూ శ్రీరామదాసు సినిమా చేస్తున్నప్పుడు తన వయస్సు చాలా తక్కువ అని.. సుమన్ రాముడిగా నటించారని.. ఆయన పక్కన తాను సీతాదేవిగా చేశానని.. అయితే ఈ క్రెడిట్ మొత్తం కె.రాఘవేందర్ రావుదే అని అర్చన తెలిపారు. ఆ తరువాత తనకు మళ్లీ సినిమాలో అవకాశం ఎప్పుడు ఇస్తారు ? అని ఆయను అడిగానని అర్చన తెలిపారు.
ఇక బాలకృష్ణకు గోపికలతో డ్యాన్స్ చేయడాన్ని తానే నేర్పించానని.. ఇందుకు ఆయన తను ప్రశంసించారని అర్చన తెలియజేసింది. అలాగే రాజమౌళి తీసిన సినిమాల్లోనూ నటించానని.. యమదొంగలో ఓ సాంగ్లో చేయగా.. మగధీరలో మాత్రం ఒక క్యారెక్టర్కు ఆయన అడిగితే నో చెప్పానని.. అది తాను జీవితంలో చేసిన పెద్ద తప్పు అని అన్నారు. ఆ సినిమాలో నటించి ఉంటే తన గ్రాఫ్ ఇంకోలా ఉండేదని తెలిపారు. ఈ సందర్భంగా ఆమె ఎమోషనల్ అయ్యారు. ఇక ఈ ఎపిసోడ్ త్వరలో ప్రసారం కానుంది.
