Thippatheega : మ‌న చుట్టూ ప‌రిస‌రాల్లో ఉండే మొక్క ఇది.. దీని ఆకులు చేసే అద్భుతాలు తెలుసా..?

Thippatheega : మ‌న చుట్టూ ప్ర‌కృతిలో అనేక ర‌కాల మొక్క‌లు ఉంటాయి. వాటిల్లో అనేక ఔష‌ధ గుణాలు ఉండే మొక్క‌లు కూడా ఉంటాయి. కానీ వాటిని మ‌నమే గుర్తించ‌లేక‌పోతున్నాం. ఇక అలాంటి మొక్క‌ల్లో తిప్ప‌తీగ కూడా ఒక‌టి. ఇది మ‌న ప‌రిస‌రాల్లోనే ఉంటుంది. జాగ్ర‌త్త‌గా గ‌మ‌నిస్తే తిప్ప‌తీగ మ‌న‌కు ఎక్క‌డో ఒక చోట క‌నిపిస్తుంది. ఇక గ్రామీణ ప్రాంతాల్లో అయితే తిప్ప‌తీగ మ‌న‌కు ఎక్క‌డ ప‌డితే అక్క‌డే క‌నిపిస్తుంది. అయితే ఆయుర్వేద ప్ర‌కారం తిప్ప‌తీగ మ‌న‌కు ఆరోగ్య ప్ర‌దాయిని అని చెప్ప‌వ‌చ్చు. తిప్ప‌తీగ‌ను వాడ‌డం వ‌ల్ల మ‌నం అనేక ఆరోగ్య ప్ర‌యోజ‌నాల‌ను పొంద‌వ‌చ్చు.

తిప్ప‌తీగ ఆకుల‌కు చెందిన ర‌సాన్ని మ‌నం రోజూ తాగ‌వ‌చ్చు. ఈ ర‌సాన్ని తాగ‌లేక‌పోతే మ‌న‌కు మార్కెట్‌లో తిప్ప‌తీగ ట్యాబ్లెట్లు కూడా ల‌భిస్తాయి. అయితే వీటిని వైద్యుల ప‌ర్య‌వేక్ష‌ణలో ఉప‌యోగించాల్సి ఉంటుంది. ఇక తిప్ప‌తీగ ర‌సాన్ని మ‌నం రోజూ ఉద‌యాన్నే ప‌ర‌గ‌డుపునే ఒక టీస్పూన్ సేవించినా చాలు.. మ‌నం అనేక ప్ర‌యోజ‌నాల‌ను పొంద‌వ‌చ్చు. తిప్ప‌తీగ ర‌సాన్ని తీసుకోవ‌డం వ‌ల్ల సీజ‌న‌ల్ వ్యాధుల నుంచి ర‌క్ష‌ణ ల‌భిస్తుంది. ద‌గ్గు, జ‌లుబు, జ్వ‌రం నుంచి త్వ‌ర‌గా కోలుకుంటారు. అలాగే డెంగ్యూ, మ‌లేరియా, టైఫాయిడ్ వంటి జ్వరాలు వ‌చ్చినా కూడా తిప్ప‌తీగ మ‌న‌కు ఉప‌యోగ‌క‌రంగా ఉంటుంది.

ప్లేట్‌లెట్లు పెరుగుతాయి..

తిప్ప‌తీగ జ్యూస్‌ను తాగ‌డం వ‌ల్ల ప్లేట్‌లెట్లు పెరుగుతాయి. దీంతో డెంగ్యూ నుంచి త్వ‌ర‌గా కోలుకుంటారు. ఈ ఆకుల్లో యాంటీ ఇన్‌ఫ్లామేట‌రీ, యాంటీ ఆక్సిడెంట్ గుణాలు ఉంటాయి. అందువ‌ల్ల నొప్పులు, వాపుల నుంచి ఉప‌శ‌మ‌నం ల‌భిస్తుంది. అలాగే శ‌రీర రోగ నిరోధ‌క శ‌క్తి పెరుగుతుంది. షుగ‌ర్ వ్యాధి ఉన్న‌వారు రోజూ తిప్ప‌తీగ ఆకుల ర‌సాన్ని సేవిస్తుంటే షుగ‌ర్ లెవ‌ల్స్ దెబ్బ‌కు అదుపులోకి వ‌స్తాయి. అలాగే కొలెస్ట్రాల్ లెవ‌ల్స్ కూడా త‌గ్గుతాయి.

ఈ ఆకుల ర‌సాన్ని సేవించ‌డం వ‌ల్ల జీర్ణ స‌మ‌స్య‌ల నుంచి సైతం ఉప‌శ‌మ‌నం ల‌భిస్తుంది. గ్యాస్‌, క‌డుపులో మంట‌, మ‌ల‌బ‌ద్ద‌కం ఉండ‌వు. ఈ ర‌సాన్ని తాగుతుంటే చ‌ర్మ వ్యాధులు సైతం న‌యం అవుతాయి. మార్కెట్‌లో మ‌న‌కు తిప్ప‌తీగ జ్యూస్ కూడా ల‌భిస్తుంది. దీన్ని తెచ్చుకుని కూడా ఉప‌యోగించ‌వ‌చ్చు. అయితే తిప్ప‌తీగ ర‌సం అంద‌రికీ ప‌డ‌దు. అందువ‌ల్ల దీన్ని తాగితే అల‌ర్జీలు లేదా డ‌యేరియా వంటివి క‌లిగితే వెంట‌నే ఈ ర‌సాన్ని తాగ‌డం ఆపేయాలి. లేదంటే తీవ్ర అనారోగ్య స‌మ‌స్య‌లు త‌లెత్తే అవ‌కాశాలు ఉంటాయి.