Coconut Oil To Face : ప్రతి ఒక్కరు కూడా అందమైన చర్మాన్ని, పొందాలనుకుంటారు. అందంగా ఉండాలని అందరికీ ఉంటుంది. అందంగా ఉండడం కోసం, చాలామంది మార్కెట్లో దొరికే ప్రొడక్ట్స్ తో సహా ఇంటి చిట్కాలు కూడా పాటిస్తూ ఉంటారు. నిజానికి ఇంటి చిట్కాలు చాలా బాగా పని చేస్తాయి. ఎక్కువ డబ్బులు ఖర్చు చేయకుండానే, మనం మన అందాన్ని ఇంటి చిట్కాలతో పెంపొందించుకోవచ్చు.
కొబ్బరి నూనె తలకి రాసుకోవడం మనకి తెలుసు. కొబ్బరి నూనె వలన చర్మ ప్రయోజనాలు కూడా ఉంటాయి. రాత్రి నిద్రపోవడానికి ముందు, ముఖానికి కొద్దిగా కొబ్బరి నూనె రాసి, రెండు నిమిషాల పాటు మసాజ్ చేస్తే, ముఖంలో తేమ పెరుగుతుంది. ముఖం కాంతివంతంగా మారుతుంది.
ముడతలు కూడా తొలగిపోతాయి. మొటిమలును కూడా కొబ్బరి నూనె తగ్గిస్తుంది. కొబ్బరి నూనెలో కొంచెం కలబంద గుజ్జు వేసుకోండి. అలానే చిటికెడు పసుపు కూడా వేసుకోండి. దీన్ని బాగా మిక్స్ చేసి, ముఖానికి పట్టించి, అరగంట పాటు అలా వదిలేసి చల్లటి నీటితో శుభ్రం చేసుకోవాలి. ఇలా చేయడం వలన, ముఖంపై మొటిమలు తగ్గిపోతాయి. బ్యాక్టీరియాని తగ్గించడానికి, మొటిమల్ని, మచ్చల్ని దూరం చేయడానికి ఇది చాలా బాగా పనిచేస్తుంది.
కొబ్బరినూనెలో కొంచెం పంచదార వేసి, ముఖానికి కాసేపు స్క్రబ్ చేసిన తర్వాత చల్లటి నీటితో శుభ్రం చేసుకోవాలి. వారానికి ఒకసారి ఇలా చేస్తే, ముఖం పై ఉన్న మృత కణాలు తొలగిపోతాయి. చర్మం ప్రకాశవంతంగా మారుతుంది కూడా. నల్లని మచ్చలు కూడా పోతాయి. కొబ్బరి నూనె ని ముఖానికి రాయడం వలన, చర్మం పొడిగా లేకుండా తేమగా ఉంటుంది. చర్మంపై ఉన్న మురికి, దుమ్ము కూడా ఈజీగా తొలగిపోతాయి. యాంటీ ఆక్సిడెంట్లు ఇందులో ఎక్కువ ఉండటం వలన చర్మాన్ని యవ్వనంగా ఉంచుతాయి.
