ఆంధ్ర స్పెషల్: ఆంధ్ర స్టైల్ లో పెప్పర్ చికెన్ ఎలా తయారు చేసుకోవాలో తెలుసా?

ఆంధ్ర స్టైల్ లో వంటకాలు అంటే ఆటోమేటిక్ గా స్పైసి గా ఉంటాయి. ఇక చికెన్ రెసిపీ ల గురించి ప్రత్యేకంగా చెప్పాల్సిన పనిలేదు. మరి చికెన్ రెసిపీ పిల్లలు ఎంతో ఫేమస్ అయిన పెప్పర్ చికెన్ ఆంధ్ర స్టైల్ లో ఎలా తయారు చేసుకోవాలో ఇక్కడ తెలుసుకుందాం.

కావలసిన పదార్థాలు

*చికెన్ అరకిలో

*వెల్లుల్లి గుప్పెడు

*అల్లం చిన్న ముక్కలు రెండు

*ఉల్లిపాయ ముక్కలు రెండు టేబుల్ స్పూన్లు

*పచ్చిమిర్చి 2

*ఉప్పు తగినంత

*కొత్తిమీర కొద్దిగా

*మిరియాల పొడి ఒక టేబుల్ స్పూన్

*ధనియాల పొడి టేబుల్ స్పూన్

*నూనె కొద్దిగా

*లవంగాలు 4

*నిమ్మకాయ ఒకటి

తయారీ విధానం

ముందుగా వెల్లుల్లి, అల్లం, లవంగాలను మిక్సీ గిన్నెలో వేసుకొని మెత్తగా గ్రైండ్ చేసుకోవాలి. తర్వాత మరొక గిన్నెలో చికెన్ ముక్కలు వేసి అందులోకి తయారుచేసి పెట్టుకున్న ఈ మిశ్రమాన్ని, తగినంత ఉప్పు, పసుపు, నిమ్మకాయ సగం పిండుకొని ఈ మిశ్రమం మొత్తం చికెన్ ముక్కలకు అంటుకునే విధంగా కలిపి ఓ అరగంట పాటు ఫ్రిజ్ లో పెట్టుకోవాలి.

అరగంట తర్వాత స్టవ్ పై ఒక పాన్ పెట్టి అందులో కొద్దిగా నూనె వేయాలి. నూనె బాగా వేడెక్కిన తర్వాత అందులోకి ముందుగా కట్ చేసి పెట్టుకొన్న ఉల్లిపాయ ముక్కలు వేయాలి. ఉల్లిపాయలు కొద్దిగా వేగిన తర్వాత పచ్చిమిర్చి ముక్కలను వేసి బాగా వేయించాలి. ఉల్లిపాయ ముక్కలు ముదురు బంగారువర్ణంలోకి వచ్చేవరకు వేయించుకోవాలి.తరువాత ఈ మిశ్రమం లోకి ముందుగా కలిపి పెట్టుకున్న చికెన్ ముక్కలను వేయాలి. చికెన్ ముక్కలు మెత్తగా కావడం కోసం కొద్దిగా నీటిని వేసుకోవచ్చు. నీరు ఇంటికి పోతున్న సమయంలో మిరియాల పొడి, ధనియాల పొడి కలియ బెట్టాలి. చికెన్ ముక్కలు మెత్తగా ఉడికిన తర్వాత స్టౌ ఆఫ్ చేయడానికి ముందుగా కొద్దిగా కొత్తిమీర తురుము పైన చల్లుకొని స్టౌ ఆఫ్ చేసుకుంటే ఎంతో రుచికరమైన ఆంధ్ర స్టైల్ పెప్పర్ చికెన్ తయారైనట్లే.