Vignesh Shivan : లేడి సూపర్ స్టార్ నయనతార గురించి ప్రత్యేక పరిచయాలు అక్కర్లేదు. సౌత్ ఇండస్ట్రీలో స్టార్ హీరోయిన్గా ఓ వెలుగు వెలిగిన నయనతార కొద్ది రోజుల క్రితం విఘ్నేష్ శివన్ని ప్రేమించి పెళ్లి చేసుకుంది. వారు సరోగసి ద్వారా పిల్లలకు కూడా జన్మనిచ్చారు. ప్రస్తుతం నయనతార వైవాహిక జీవితం చాలా సంతోషంగా నడుస్తుంది. ఈ జంట ఎలాంటి అకేషన్స్ వచ్చిన కూడా అందకు సంబంధించిన విషయాలని నయనతార సోషల్ మీడియాలో షేర్ చేస్తూ ఉంటుంది. ఇటీవలన నయనతార తన బర్త్ డే జరుపుకుంది. నయన్ బర్త్ డే సందర్భంగా ఆమె భర్త విఘ్నేష్ శివన్ సర్ప్రైజ్ గిఫ్ట్ ఇచ్చాడు. కారు ఎప్పుడో బుక్ చేసిన కూడా రెండు వారాల తర్వాత ఇది వారి వద్దకు చేరింది.
లగ్జరీ కారుని చూసి నయన్ ఫిదా అవుతోంది. లగ్జరీ బెంజ్ మేబాచ్ కారుని గిఫ్ట్గా ఇచ్చాడు. ఆ కారు ఫోటోను ఇలా షేర్ చేస్తూ తన సంతోషాన్ని వ్యక్తం చేస్తోంది.వెల్కం హోం బ్యూటీ.. మీ డియర్ హజ్బెండ్.. ఇంత మంచి బర్త్ డే గిఫ్ట్ ఇచ్చినందుకు థాంక్స్.. లవ్యూ.. అని నయన్ ఎమోషనల్ పోస్ట్ చేసింది.. ఇలా లవ్ సింబల్తో ఫోటోలను షేర్ చేసింది. కారుని మాత్రం పూర్తిగా చూపించలేదు. ఇక దీంతో కొంత మంది అసలు ఇది ఏం కారు..ఏ బ్రాండో కూడా తెలియడం లేదు కదా? అని అంటున్నారు. ఇంకొందరు అయితే ఈ కారు మోడల్, బ్రాండ్ అన్నింటినీ కామెంట్లలో పెట్టేస్తున్నారు.
39వ పడిలోకి అడుగుపెట్టిన నయనతారకి ఇంకా క్రేజ్ తగ్గలేదు. ఈ అమ్మడికి తెలుగులోనే కాదు ఇతర భాషలలో కూడా మంచి అవకాశాలు వస్తున్నాయి. ఈ ఏడాది జవాన్ సినిమాతో బాలీవుడ్లోకి ఎంట్రీ ఇచ్చింది నయనతార మంచి హిట్ తన ఖాతాలో వేసుకుంది. .షారుఖ్ఖాన్ హీరోగా నటించిన ఈ సినిమా 1100 కోట్లకుపైగా కలెక్షన్స్ రాబట్టింది. నయనతార హీరోయిన్గా నటించిన లేడీ ఓరియెంటెడ్ మూవీ అన్నపూర్ణి డిసెంబర్ 1న రిలీజ్ అవుతోంది. ఈ సినిమాకు నీలేష్ కృష్ణ దర్శకత్వం వహిస్తోన్నాడు. నయనతార హీరోలకి సమానంగా10 కోట్ల రెమ్యూనరేషన్ తీసుకుంటుంది.. ప్రమోషన్స్ కు రాదు.. 40 సంవత్సరాలు వచ్చినా కూడా ఇప్పటికీ టాప్ హీరోయిన్.
