OTT : ఒక‌వైపు థియేట‌ర్స్‌లో ప్రతి వారం కొత్త సినిమాలు ప్రేక్షకుల ముందుకు వ‌చ్చి సందడి చేస్తుండ‌గా, మ‌రోవైపు ఓటీటీలో కూడా పలు సినిమాలు, వెబ్ సిరీస్‌లు ప్రేక్ష‌కులని అల‌రిస్తున్నాయి. ఎప్ప‌టిక‌ప్పుడు ఓటీటీ సంస్థలు కొత్త కంటెంట్ తో వినూత్న చిత్రాలతో మరియు వెబ్ సిరీస్ లతో ప్రేక్షకుల ముందుకు వస్తున్నాయి. మరి ఈ వీక్ సందడి చేసిన పలు చిత్రాలేంటో చూద్దాం. థియేట‌ర్‌లో రిలీజ్ అవుతున్న సినిమాల విష‌యానికి వ‌స్తే పాయల్ ముఖ్య పాత్రలో మంగళవారం అనే టైటిల్ తో నవంబరు 17న తెలుగుతోపాటు తమిళం, కన్నడ, మలయాళం, హిందీ భాషల్లో ఈ సినిమా ప్రేక్షకుల ముందుకు రానుంది. నటి హన్సిక ‘మై నేమ్‌ ఈజ్‌ శృతి’ కూడా నవంబరు 17న ఈ సినిమా ప్రేక్షకుల ముందుకు రానుంది. అలానే స్పార్క్ ది లైఫ్‌, సప్త సాగరాలు దాటి – సైడ్‌ బి…, అన్వేషి చిత్రాలు థియేట‌ర్స్‌లో సందడి చేయ‌నున్నాయి.
ఓటీటీ విష‌యానికి వ‌స్తే.. నెట్‌ఫ్లిక్స్‌లో హౌటూ బికమ్‌ ఏ మాబ్‌ బాస్‌ (వెబ్‌సిరీస్‌) నవంబరు 14 నుండి స్ట్రీమింగ్ అవుతుంది. బెస్ట్‌ క్రిస్మస్‌ ఎవర్‌ (హాలీవుడ్) నవంబరు 16, ది క్రౌన్‌ (వెబ్‌సిరీస్‌) నవంబరు 16, బిలీవర్‌2 (కొరియన్‌) నవంబరు 17, ది డాడ్స్‌ (హాలీవుడ్) నవంబరు 17, సుఖీ (హిందీ) నవంబరు 17, ది రైల్వేమెన్‌ (హిందీ) నవంబరు 18 నుండి స్ట్రీమింగ్ కానుంది. ఇక అమెజాన్‌ ప్రైమ్ లో ట్విన్‌ లవ్‌ (హాలీవుడ్) నవంబరు 17 నుండి స్ట్రీమింగ్ కానుంది. ఇక డిస్నీ+హాట్‌స్టార్ లో అపూర్వ (హిందీ) నవంబరు 15 నుండి స్ట్రీమింగ్ కానుండ‌గా, చిత్త (తమిళ/తెలుగు) నవంబరు 17, కన్నూర్‌ స్క్వాడ్‌ (మలయాళం) నవంబరు 17 నుండి స్ట్రీమ్ కానుంది.
బుక్‌ మై షోలో రాంగ్‌ ప్లేస్‌ (హాలీవుడ్)నవంబరు 12 నుండి స్ట్రీమింగ్ అవుతుంది. ది ఎగ్జార్సిస్ట్‌ (హాలీవుడ్) నవంబరు 17 నుండి స్ట్రీమ్ కానుండ‌గా, జియో సినిమాలో ది ఫ్లాష్‌ (తెలుగు) నవంబరు 15 నుండి స్ట్రీమింగ్ కానుంది. ఆపిల్‌ టీవీ ప్లస్ లో మోనార్క్‌(హాలీవుడ్) నవంబరు 17 నుండి స్ట్రీమ్ కానుంది.
