Leo Movie OTT Release Date : ఇలయదళపతి విజయ్ గురించి ప్రత్యేకపరిచయాలు అక్కర్లేదు. ఆయనకు తమిళంతో పాటు ఇతర భాషలలోను మంచి ఫ్యాన్ ఫాలోయింగ్ ఉంది. ఈ చిత్రంలో త్రిష హీరోయిన్. అక్టోబర్ 19న ఈ సినిమా ప్రపంచ వ్యాప్తంగా ప్రేక్షకుల ముందుకు వచ్చింది. మిక్స్డ్ టాక్ సొంతం చేసుకున్నప్పటికీ కలెక్షన్ల సునామీ సృష్టిస్తోంది. రిలీజైన ఆరు రోజుల్లోనే ప్రపంచ వ్యాప్తంగా రూ.450 కోట్లకుపైగా వసూళ్లను సాధించింది. రూ.500 కోట్ల క్లబ్లోకి అడుగుపెట్టేందుకు ఉరకలు వేస్తోంది.. ఇక ఇప్పుడు ఈ సినిమా ఓటీటీ వేదికగా విడుదలయ్యేందుకు సిద్ధమయ్యిందని టాక్ వినిపిస్తోంది. అయితే థియేటర్.. ఓటీటీ విడుదలకు కాస్త ఢిఫరెంట్ గా ఉండబోతున్నట్లు తెలుస్తోంది.
లియో మూవీ డిజిటల్ హక్కులు నెట్ఫ్లిక్స్ సొంతం చేసుకున్నట్టు తెలుస్తుండగా, ఈ మూవీ అధికారికంగా ఎలాంటి సమాచారం లేదు. అయితే వచ్చే గురువారం (నవంబర్ 16) నుంచే ఈ సినిమా ఓటీటీలోకి రాబోతున్నట్లు వార్తలు వస్తున్నాయి. కాని ఇంతవరకు క్లారిటీ లేదు. అక్టోబర్ 19న రిలీజైన ఈ సినిమా.. ఆ మధ్య ఆన్లైన్లో లీకైందని, అందుకే అనుకున్నదాని కంటే ముందుగానే ఓటీటీలోకి వచ్చేస్తుందని ప్రచారం జరిగిన కూడా అది జరగలేదు. మరి కొద్ది రోజులలో దీనిపై అఫీషియల్ ప్రకటన రానుంది.ఇక లియా సినిమాకి లోకేష్, రత్న కుమార్, దీరజ్ వైద్యుడు స్క్రీన్ ప్లే అందించారు. యాక్షన్ డ్రామాగా రూపుదిద్దుకున్న ఈ చిత్రంలో సంజయ్ దత్, అర్జున్ సర్జా, మిస్కిన్, శాండీ, గౌతమ్ మీనన్ కీలక పాత్రల్లో నటించారు.
లోకేష్ తెరకెక్కించిన సినిమాటిక్ యూనివర్స్ లో ఖైదీ, విక్రమ్ సినిమాల తర్వాత విడుదలైన ఈ సినిమా కలెక్షన్స్ పరంగా బాక్సాఫీస్ వద్ద భారీ వసూళ్లు రాబడుతుంది. ఇప్పటి వరకు విజయ్ కెరీర్లోనే బిగ్గెస్ట్ గ్రాసర్ గా నిలిచిన ఈ సినిమాకు ఇప్పుడు వసూళ్లు కాస్త డల్ అయ్యాయి. మాథ్యూ థామస్, మన్సూర్ అలీ ఖాన్, ప్రియా ఆనంద్, పలువురు సహాయక పాత్రల్లో కనిపించారు. అనిరుధ్ రవిచందర్ సంగీతాన్ని అందించగా.. సెవెన్ స్క్రీన్ స్టూడియోపై లలిత్ కుమార్ ఈ చిత్రాన్ని నిర్మించారు.
