Allu Arjun : స్టైలిష్ స్టార్ నుండి ఐకాన్ స్టార్గా మారిన అల్లు అర్జున్ తనదైన శైలిలో సినిమాలు చేసుకుంటూ వెళుతున్నాడు.పుష్ప నుండి ఐకాన్ స్టార్గా పిలవబడుతున్న బన్నీ అశేష ప్రేక్షకాదరణ దక్కించుకుంటున్నాడు. ప్రస్తుతం బన్నీ పుష్ప 2 చిత్ర షూటింగ్తో బిజీగా ఉన్నాడు. ఈ మూవీ వచ్చే ఏడాది ప్రేక్షకుల ముందుకు రానుంది. ఈ సినిమా కోసం అశేష ప్రేక్షకులు ఎంతో ఆసక్తిగా ఎదురు చూస్తున్నారు. పుష్ప సినిమా దెబ్బకి నార్త్ ఇండియాలో కూడా బన్నీ ఫాలోయింగ్ అమాంతం పెరిగింది. తాజాగా బన్నీ తన లేడీ ఫ్యాన్ కోసం ఓ సెల్ఫీ వీడియో తీశాడు. ఇందులో తన ఫ్యాన్తో ఫన్నీగా మాట్లాడాడు బన్నీ. తన ఇంట్లో పని చేసే పని మనిషికి సోషల్ మీడియాలో ఫాలోవర్స్ పెరిగేలా బన్నీ సాయం చేయగా, ఇందుకు సంబంధించిన వీడియో వైరల్ అవుతుంది.
తాను పెద్ద స్టార్ ని అని మరచిపోయిన అల్లు అర్జున్ గర్వం ఏమాత్రం లేకుండా ఓ అమ్మాయి కోసం బన్నీ వీడియో చేశారు. నీకు ఎంత మంది ఫాలోవర్స్ కావాలి.. ఇప్పుడు ఎంత మంది ఉన్నారు ? అని అల్లు అర్జున్ ఆమెని అడగడంతో ఆమె 13వేల మంది ఉన్నారు. 20 లేదా 30 వేలు వస్తే చాలు అని బన్నీకి తెలిపింది. ఒకే 30 ఫిక్స్ అంటూ బన్నీ సెల్ఫీ వీడియో తీయగా, ఈ వీడియోని బన్నీ పని మనిషి తన ఇంస్టాగ్రామ్లో పోస్ట్ చేసింది. క్షణాల్లో వైరల్ గా మారిపోయింది. బన్నీ చేసిన పనికి ప్రతి ఒక్కరు ప్రశంసలు కురిపిస్తున్నారు.
మరోవైపు తెలంగాణ ఎన్నికల పోలింగ్లో తన ఓటు హక్కు వినియోగించుకొని అందరి దృష్టిని ఆకర్షించాడు అల్లు అర్జున్. ఉదయాన్నే బీఎస్ఎన్ఎల్ సెంటర్ పోలింగ్ బూత్లో తన ఓటు వేశాడు బన్నీ. అల్లు అర్జున్ను చూడగానే అక్కడ ఉన్న ఓటర్లంతా ఆప్యాయంగా పలకరించగా వారితోను సరదాగా గడిపాడు బన్నీ. అందరినీ నవ్వుతూ విష్ చేసి తన ఓటు వేసి సైలెంట్గా వెళ్లిపోయాడు .ఇక ప్రస్తుతం పుష్ప2 చిత్ర షూటింగ్తో బిజీగా ఉన్న అల్లు అర్జున్ పుష్ప చిత్రానికి నేషనల్ అవార్డ్ అందుకున్న విషయం తెలిసిందే. పుష్ప2కి గాను ఆయన ఆస్కార్ దక్కించుకుంటాడని చెబుతున్నారు.
