ఆషాడమాసంలో కొత్తగా పెళ్లయిన వధువు పుట్టింటికి ఎందుకు వెళ్తుందో తెలుసా?

మన హిందూ సాంప్రదాయాల ప్రకారం వచ్చే నెలకి ఎన్నో ప్రత్యేకతలు ఉన్నాయి. ఈ క్రమంలోనే తెలుగు మాసాలలో నాలుగవ మాసమైన ఆషాడ మాసానికి కూడా చాలా ప్రత్యేకతలు ఉన్నాయి. ముఖ్యంగా ఆషాడ మాసాన్ని శూన్య మాసం అని కూడా పిలుస్తారు. ఆషాడ మాసంలో ఏ శుభకార్యాలు చేయరు.అదేవిధంగా ఆషాడమాసం రాగానే కొత్తగా పెళ్లయిన వధువు అత్తవారింట ఇంటికి చేరుతుంది .అయితే ఈ విధంగా ఆషాఢ మాసంలోనే నవ వధువు ఇంటికి వెళ్ళడానికి గల కారణమేమిటో ఇక్కడ తెలుసుకుందాం.

కొత్తగా పెళ్లైన వధూవరులు ఆషాడమాసంలో దూరంగా ఉండటానికి గల కారణం ఏమిటంటే… ఆషాడమాసంలో వ్యవసాయ పనులు ఎక్కువగా ఉంటాయి. ఈ క్రమంలోనే అందరూ పొలం పనులలో నిమగ్నమవుతారు. ఇలాంటి సమయంలో కొత్త అల్లుడు ఇంటికి వస్తే అల్లుడికి మర్యాదలు చేయడం కుదరదు కనుక కొత్తగా పెళ్లయిన వారినీ దూరంగా ఉంచుతారు.

అదేవిధంగా ఆషాడమాసంలో ఈదురు గాలులు, వర్షాలు కారణంగా గాలి కాలుష్యం నీటి కాలుష్యం ఏర్పడుతుంది. ఈ క్రమంలోనే అది పుట్టబోయే బిడ్డకు మంచిది కాదని భావిస్తారు అందుకోసమే కొత్తగా పెళ్లయిన భార్యాభర్తలను దూరం పెడతారు.ఒకవేళ ఆషాడ మాసంలో గర్భం దాల్చితే వారు చైత్రమాసంలో బిడ్డకు జన్మనీస్తారు కనుక అప్పుడు ఎండ తీవ్రత అధికంగా ఉంటుంది. దీంతో బిడ్డ ఆరోగ్యానికి మంచిది కాదని ఈ నెల మొత్తం కొత్తగా పెళ్లైన జంట దూరంగా ఉండాలని చెబుతారు.