మన హిందూ క్యాలెండర్ ప్రకారం శ్రావణ మాసం తెలుగు నెలలో 5వ నెల. ఐదవ నెల అయినటువంటి శ్రావణమాసం అంటే హిందువులు ఎంతో పరమ పవిత్రమైన మాసంగా భావిస్తారు. ఈ నెల మొత్తం వివిధ రకాల పూజలు, వ్రతాలు, నోములు చేస్తూ ఎంతో బిజీగా ఉంటారు.అదే విధంగా ఈ శ్రావణ మాసంలో కూడా ఎన్నో పండుగలు వస్తాయి. మరి శ్రావణమాసంలో వచ్చే పండుగలు ఏవి… అవి ఎప్పుడు వచ్చాయి అనే విషయాలను ఇక్కడ తెలుసుకుందాం.
నాగ పంచమి: శ్రావణ మాసంలో నాగపంచమిని హిందువులు ఎంత పవిత్రంగా భావిస్తారు.ఈ పంచమి రోజు పుట్టకు వెళ్లి పాలుపోసి ప్రత్యేక పూజలు చేస్తుంటారు. ఈ పండుగను ఆగస్టు 13న జరుపుకోనున్నారు.
భాను సప్తమి: భాను సప్తమిరోజు సూర్యుడు మొట్టమొదటిసారిగా ఏడుకొండలపై ఈ భూమికి వచ్చాడని, అప్పటినుంచి ఈ భూమిపై జీవనం ప్రారంభమైందని భావిస్తారు. అందుకే ఆ రోజున రథసప్తమి భావించి పెద్ద ఎత్తున పూజలు చేస్తారు. ఆగస్టు 15వ తేదీన భాను సప్తమి పండుగను జరుపుకుంటారు.
వరలక్ష్మీ వ్రతం: మహిళలు ఎంతో పవిత్రంగా జరుపుకునే పండుగలలో వరలక్ష్మీ వ్రతం ఒకటి. ఈ ఏడాది వరలక్ష్మీ వ్రతం ఆగస్టు 20 వ తేదీన వచ్చింది.
ఓనం పండుగ: ఓనం పండుగను తెలుగు రాష్ట్రాలలో కాకుండా కేరళలో ఎంతో ఘనంగా జరుపుకుంటారు. ఈ పండుగ ఆగస్టు 21వ తేదీ వచ్చింది.
రక్షాబంధన్: అన్నాచెల్లెల ప్రేమకు గుర్తుగా రాఖీ పండుగను జరుపుకుంటారు. ఈ ఏడాది రాఖీ పండుగ ఆగస్టు 22 వ తేదీ వచ్చింది.
కృష్ణాష్టమి: విష్ణుమూర్తి కృష్ణుడు అవతారంలో ఈ భూమిపై జన్మించిన రోజున కృష్ణాష్టమి అంటారు. ఈ ఏడాది కృష్ణాష్టమి ఆగస్టు 30 వ తేదీ వచ్చింది.
