మన దేశంలో అన్ని మతాలతో పాటు క్రైస్తవ మతం కూడా ఒకటి. క్రైస్తవ మతస్తులకు సంవత్సరంలో రెండు అతి ముఖ్యమైన పండుగలను ఎంతో ఘనంగా నిర్వహించుకుంటారు. ఒకటి క్రిస్మస్ కాక, రెండవది గుడ్ ఫ్రైడే. క్రీస్తు జన్మదినాన్నికి గుర్తుగా క్రిస్మస్ జరుపుకుంటే, లోక రక్షణ కోసం క్రీస్తును కల్వరిగిరి పై సిలువ చేసిన రోజుగా గుడ్ ఫ్రైడేను జరుపుకుంటారు. రెండువేల సంవత్సరాల క్రితం ఇదే రోజున ఏసుక్రీస్తును కల్వరిగిరి పై సిలువ చేయడంతో అప్పటి నుంచి క్రైస్తవ మతస్థులు ఈ రోజున గుడ్ ఫ్రైడే గా నిర్వహించుకుంటారు.
ప్రతి సంవత్సరం వసంతకాలంలో పౌర్ణమి తరువాత వచ్చే మొదటి శుక్రవారాన్ని గుడ్ ఫ్రైడే గా నిర్వహిస్తారు. ఈ ఫ్రైడేను హోలీ ఫ్రైడే, బ్లాక్ ఫ్రైడే అని కూడా పిలుస్తారు. ఈ ఫ్రైడే రోజు క్రైస్తవ మతస్తులు అందరూ పెద్ద ఎత్తున చర్చికి చేరుకొని ఏసుక్రీస్తు మోసిన సిలువను ప్రత్యేక ప్రార్థనలతో పూజించి ముద్దాడుతారు. ఆ రోజు సిలువ మోస్తు ఏసుప్రభు చెప్పిన మాటలను గుర్తు చేసుకుంటూ గుడ్ ఫ్రైడే ని జరుపుకుంటారు.
కొన్నిచోట్ల క్రైస్తవ మతస్తులు నల్లని దుస్తులను ధరించి, క్రీస్తును స్మరిస్తూ ఒక కార్యక్రమాన్ని ఏర్పాటు చేసుకుంటారు. ఈ కార్యక్రమంలో భాగంగా ఏసుక్రీస్తుకు అంతిమ సంస్కారాలు నిర్వహిస్తారు. అందుకోసమే క్రైస్తవులు నల్లని వస్త్రాలను ధరిస్తారు.క్రైస్తవ ధర్మాన్ని పాటించేవారు ఆరోజు క్రీస్తుకు కలిగించిన బాధకు ప్రాయశ్చిత్తంగా నేడు గుడ్ ఫ్రైడే వేడుకలను జరుపుకుంటారు. ఈ వేడుకలలో భాగంగా క్రైస్తవులందరూ సామూహికంగా చేరి నిర్మలమైన మనసుతో ఆ ప్రభువును వేడుకోవటం వల్ల వారి జీవితమంతా సుఖసంతోషాలతో ఉంటుందని భావిస్తారు.
