మ‌రో రికార్డు సాధించిన సాయిప‌ల్ల‌వి పాట‌..!

న‌టిగా సాయిప‌ల్ల‌వి ఎంత‌టి పేరు తెచ్చుకుందో అంద‌రికీ తెలిసిందే. ఆమె డ్యాన్స్‌కు కూడా చాలా మంది ఇప్ప‌టికే ఫిదా అయ్యారు. ఇక శేఖ‌ర్ క‌మ్ముల తాజా చిత్రం ల‌వ్‌స్టోరీలోని సారంగ ద‌రియా.. అనే పాట‌లో సాయిప‌ల్ల‌వి మరోమారు త‌న డ్యాన్స్‌తో అల‌రించింది. ఈ పాట‌కు చెందిన లిరిక‌ల్‌ వీడియోను ఈ ఏడాది ఫిబ్ర‌వ‌రి 28వ తేదీన విడుద‌ల చేయ‌గా.. ఆ పాట మ‌రో రికార్డును సృష్టించింది.

సుద్దాల అశోక్‌ తేజ సాహిత్యం, శేఖర్‌ కమ్ముల ద‌ర్శ‌క‌త్వం, శేఖర్‌ మాస్టర్‌ కొరియోగ్రఫీ లో ఈ పాట‌ను రూపొందించారు. దీనికి ప్రేక్ష‌కులు బ్ర‌హ్మ‌ర‌థం ప‌డుతున్నారు. ఈ క్ర‌మంలోనే ఈ పాట విడుద‌లైన నెల రోజుల్లోనే 10 కోట్ల వీక్ష‌ణ‌ల‌ను ద‌క్కించుకుని రికార్డు సృష్టించింది.

అయితే ఈ పాటకు తరువాత త‌క్కువ వ్య‌వ‌ధిలోనే 25 కోట్ల వ్యూస్ వ‌చ్చాయి. ఇక తాజాగా 30 కోట్ల వ్యూస్ మార్కును ఈ పాట దాటింది. ద‌క్షిణాదిలో ఇప్ప‌టి వ‌ర‌కు మ‌రే లిరిక‌ల్ వీడియోకు కూడా ఇలాంటి స్థాయిలో స్పంద‌న రాలేదు. వ్యూస్ ల‌భించ‌లేదు.

ఇక కోవిడ్ కార‌ణంగా ఈ సినిమా విడుద‌ల ఆల‌స్యం అవుతోంది. ఇందులో నాగ‌చైత‌న్య‌, సాయిప‌ల్ల‌విలు న‌టిస్తున్నారు. ఈ మూవీ విడుద‌ల తేదీని అనౌన్స్ చేయాల్సి ఉంది. మ‌రోవైపు దీన్ని ఓటీటీలో విడుద‌ల చేసే అవ‌కాశాలు కూడా ఉన్నాయ‌ని తెలుస్తోంది.