నితిన్ డైరెక్టర్ తో.. అక్కినేని హీరో.. బ్లాక్ బస్టర్ పక్కా?

టాలీవుడ్ ఇండస్ట్రీలో ఎంతో క్రేజ్ ఉన్న అక్కినేని కుటుంబం నుంచి ఇండస్ట్రీలోకి అడుగు పెట్టిన నాగచైతన్య గురించి ప్రత్యేకంగా చెప్పాల్సిన పనిలేదు.కెరియర్ మొదట్లో మంచి విజయాలను అందుకున్న నాగచైతన్య తరువాత ఫ్లాపులను చవి చూస్తున్నాడు. ఈ క్రమంలోనే మజిలీ,వెంకీమామ వంటి చిత్రాలతో మరి ఫామ్ లోకి వచ్చిన నాగ చైతన్య ప్రస్తుతం వరుస సినిమాలతో బిజీగా ఉన్నారు.

నాగచైతన్య ఇప్పటికే శేఖర్ కమ్ముల దర్శకత్వంలో లవ్ స్టోరీ సినిమాలో నటించారు. ఈ సినిమా విడుదలకు సిద్ధంగా ఉండగా కరోనా ప్రభావంతో వాయిదా పడింది. ఆ తర్వాత మనం సినిమా దర్శకుడు విక్రమ్ కె.కుమార్ దర్శకత్వంలో “థాంక్యూ” అనే చిత్రంలో నటిస్తున్నారు. ప్రస్తుతం ఈ సినిమా షూటింగ్ దశలో ఉండగా కరోనా వల్ల వాయిదా పడింది.

ఈ క్రమంలోనే నాగచైతన్య మరో క్రేజీ ప్రాజెక్ట్ కి ఓకే చెప్పినట్లు తెలుస్తోంది. నాగ శౌర్య చలో, నితిన్ భీష్మ వంటి చిత్రాలను తెరకెక్కించిన దర్శకుడు వెంకీ కుడుముల దర్శకత్వంలో నాగచైతన్య సినిమాని ప్లాన్ చేస్తున్నట్లు తెలుస్తోంది. ఇప్పటికే కథ విన్న నాగచైతన్య ఈ సినిమాకు గ్రీన్ సిగ్నల్ ఇచ్చినట్లు సమాచారం. ఈ సినిమా కనుక ఓకే అయితే నాగచైతన్య తన కెరీర్లో మరొక సూపర్ హిట్ ఫిలిమ్ పక్కా అనే సమాచారం బలంగా వినబడుతుంది.