మా అన్నయ్యకు తగ్గ కోడలు.. మెగా కోడలిపై ప్రశంసలు కురిపించిన మెగా బ్రదర్

ప్రస్తుతం ఉన్న ఈ కరోనా విపత్కర పరిస్థితులలో ఎంతో మంది సినీ సెలబ్రిటీలు ముందుకు వచ్చి ఆపదలో ఉన్న వారికి వివిధ రకాలుగా సహాయ సహకారాలను అందిస్తున్నారు. ఈ క్రమంలోనే మెగా కుటుంబం సైతం తమ వంతు సాయంగా కరోనా బాధితులకు సహాయ సహకారాలను అందించారు.ఈ విషయం పై మెగా బ్రదర్ నాగబాబు స్పందిస్తూ మెగా హీరోలకు వారు చేస్తున్న సాయం గురించి చెప్పుకోవడం ఇష్టం ఉండదు.అయితే ప్రస్తుతం సందర్భం వచ్చింది కాబట్టి ఈ విషయాలను తెలియజేస్తున్నాను అంటూ నాగబాబు తెలిపారు.

ఎవరైనా ఆపదలో ఉన్నారని తెలిస్తే వెంటనే అన్నయ్య స్పందించి వారికి ఏదో ఒక రూపంలో సహాయం అందిస్తారు. ఈ కరోనా సమయంలో ఎన్నో సహాయ సహకారాలను మెగా హీరోలు అందరూ కలిసి చేశారు. ఇక అన్నయ్య కోడలు ఉపాసన అన్నయ్యకు ఏ మాత్రం తీసిపోదు. అడిగిన వారికి సహాయం చేయడంలో అన్నయ్యకు తగ్గ కోడలు ఉపాసన అని చెప్పవచ్చు.

అపోలో వంటి పెద్ద కార్పొరేట్ ఆస్పత్రిలో చికిత్స చేయించుకోవాలంటే ఎంతో ఖర్చుతో కూడుకొని ఉంటుంది. కానీ కరోనా సమయంలో ఎంతో మందికి తక్కువ ఖర్చుకే చికిత్సను అందిస్తున్నారు. ఓ సందర్భంలో ఉపాసనను ఇంత తక్కువ ఖర్చుతో ఎలా చికిత్స చేస్తున్నారని అడగగా అందుకు ఉపాసన స్పందిస్తూ… ఇలాంటి సమయంలోనే మనం సహాయం చేయాలని చెప్పినప్పుడు నాకు ఎంతో సంతోషంగా అనిపించింది. ఉపాసన సహకారంతోనే అన్నయ్య కార్మికులందరికీ కరోనా వ్యాక్సిన్ లను వేయించారు. కోడలు సంపూర్ణ సహకారం ఎల్లప్పుడూ మా అన్నయ్య కు ఉందని మా అన్నయ్యకు తగ్గ కోడలు ఉపాసన అంటూ ఆమెపై ప్రశంసలు కురిపించారు.