ప్రభాస్ సినిమాకు భారీ ఆఫర్.. ఇదే కనుక నిజమైతే ?

ప్రస్తుతం టాలీవుడ్ హీరో ప్రభాస్ పాన్ ఇండియన్ స్థాయిలో ఏ విధమైన గుర్తింపు ఉందో ప్రత్యేకంగా చెప్పాల్సిన పని లేదు.ప్రస్తుతం ప్రభాస్ నటించిన సినిమాలన్నీ పాన్ ఇండియా స్థాయిలో తెరకెక్కడం విశేషం. ఈ క్రమంలోనే ప్రభాస్, పూజా హెగ్డే జంటగా జిల్ ఫేమ్ దర్శకుడు రాధాకృష్ణ దర్శకత్వంలో తెరకెక్కిన “రాధేశ్యామ్” చిత్రం గురించి మనకు తెలిసిందే. ఇప్పటికే షూటింగ్ పూర్తి చేసుకున్న ఈ చిత్రం విడుదలకు సిద్ధంగా ఉన్నప్పటికీ కరోనా ప్రభావంతో వాయిదా పడింది.

తాజాగా ఈ సినిమాకు సంబంధించిన ఓ వార్త సోషల్ మీడియాలోవైరల్ గా మారడంతో ప్రభాస్ అభిమానులు పండగ చేసుకుంటున్నారు. ఈ సినిమా విడుదల విషయానికి వస్తే ఇప్పట్లో థియేటర్లో తెరుసుకునే అవకాశం లేకపోవడంతో ఈ సినిమాను ఓటీటీ విడుదల చేయాలనే ఆలోచనలో ఉన్నట్లు తెలుస్తోంది. ఈ క్రమంలోనే ఈ సినిమాను ప్రముఖ ఓటీటీ సంస్థ అమెజాన్ ప్రైమ్ ఈ సినిమా హక్కులకోసం 400 కోట్ల డీల్ నిర్మాతల ముందు పెట్టినట్టు తెలుస్తోంది.

గతంలో ఈ సినిమా కోసం పలు ఓటీటీ సంస్థలు పోటీపడ్డాయి ఈక్రమంలోనే నెట్ఫ్లిక్స్ ఏకంగా 300 కోట్లు ఆఫర్ చేయగా… ప్రస్తుతం అమెజాన్ ప్రైమ్ 400 కోట్ల ఆఫర్ ప్రకటించింది. ఈ విధమైనటువంటి భారీ ఆఫర్ ప్రకటించడంతో నిర్మాతలు ఈ సినిమాను ఓటీటీలో విడుదల చేస్తారా? లేక థియేటర్లలో విడుదల చేస్తారనే విషయం మరి కొద్ది రోజులలో తెలియనుంది.