Hari Teja : ప్రస్తుతం బుల్లితెరపై బిగ్ బాస్ రియాలిటీ షో కొనసాగుతున్న సంగతి మనకు తెలిసిందే. మూడు వారాలుగా ఎంతో విజయవంతంగా పూర్తి చేసుకున్న ఈ కార్యక్రమం 4వ వారం కూడా పూర్తి కాబోతోంది. ఈ క్రమంలోనే ఇప్పటికే హౌస్ నుంచి ముగ్గురు కంటెస్టెంట్స్ ఎలిమినేట్ కాగా ప్రస్తుతం 16 మంది కంటెస్టెంట్స్ హౌస్ లో ఉన్నారు. ఈ క్రమంలోనే హౌస్ లో ఉన్న కంటెస్టెంట్స్ కు పలువురు సెలబ్రిటీలు వారి మద్దతు తెలుపుతూ వారిని గెలిపించాలని అభిమానులను కోరుతున్నారు.
కాగా సీనియర్ నటి ప్రియకు గత బిగ్ బాస్ సీజన్ కంటెస్టెంట్ అఖిల్ తన మద్దతును తెలియజేశారు. అదేవిధంగా మానస్ కి హీరో సందీప్ కిషన్ మద్దతు తెలపగా ప్రియాంక సింగ్ కి నటుడు నాగబాబు మద్దతును తెలియజేశారు. ఇదిలా ఉండగా బిగ్ బాస్ హౌస్ లో ఉన్న కంటెస్టెంట్ ఆర్జే కాజల్ కి తన పూర్తి మద్దతు ఉంటుందని మాజీ బిగ్ బాస్ కంటెస్టెంట్ హరితేజ తన మద్దతును తెలియజేసింది.
ఆర్జే కాజల్ హౌస్ లో ప్రేక్షకులకు కావలసినంత ఎంటర్టైన్మెంట్ ఇస్తుందని, కచ్చితంగా తను హౌస్ లో టాప్ 5 కంటెస్టెంట్ గా నిలబడాలని, అందుకు అభిమానులు పూర్తి మద్దతు తెలియచేయాలని ఈ సందర్భంగా హరితేజ కోరింది. అయితే ఈ వారం నామినేషన్ లిస్టులో ఆర్జే కాజల్ ఉండటం గమనార్హం. మరి ఈ వారం ఈ మెసేజ్ జోన్ లో ఉందా లేక డేంజర్ జోన్లో ఉందా.. అనేది తెలియాల్సి ఉంది.
