సస్పెన్స్, హార్రర్, థ్రిల్లర్ మూవీలు అంటే ఇష్టపడే వారికోసం సన్ నెక్ట్స్లో మరో మూవీ స్ట్రీమ్ కాబోతోంది. గ్రానీ (Granny) పేరిట తమిళంలో జనవరి 30, 2026న థియేటర్లలో రిలీజ్ అయిన మూవీని మార్చి 6, 2026 నుంచి సన్ నెక్ట్స్ ఓటీటీ ప్లాట్ఫామ్లో స్ట్రీమింగ్ చేయనున్నారు. ఈ ప్లాట్ఫామ్కు సంబంధించి సబ్ స్క్రిప్షన్ ఉన్నవారు నేరుగా ఈ మూవీని చూడవచ్చు. థియేటర్లలో రిలీజ్ అయిన ఈ మూవీకి ప్రేక్షకుల నుంచి మంచి స్పందన లభించింది. ఈ క్రమంలోనే ఓటీటీ ప్లాట్ఫామ్లో స్ట్రీమ్ కానుంది. ఈ మూవీకి సంబంధించి కథనం చాలా ఆసక్తికరంగా, ఉత్కంఠగా సాగుతుందని సినిమాను చూసిన ప్రేక్షకులు ఇప్పటికే చెప్పారు. ఈ మూవీకి ఇప్పటికే ఐఎండీబీలో 10కి 7.2 రేటింగ్ ఉండడం విశేషం.
కథ ఏంటంటే..?
గ్రానీ సినిమా కథ విషయానికి వస్తే లండన్కు చెందిన దంపతులు సిటీ లైఫ్కు దూరంగా గడుపుదామని తమిళనాడులోని ఓ మారుమూల ప్రాంతంలో ఉన్న తమ పూర్వీకుల ఇంటికి వస్తారు. అక్కడ వారు అనుకోకుండా ఓ వృద్ధురాలికి ఆశ్రయం ఇస్తారు. తరువాత ఆ ఇంట్లో చిత్ర విచిత్రమైన సంఘటనలు చోటు చేసుకుంటాయి. అయితే ఆ తరువాత ఏమైంది, అసలు ఆ వృద్ధురాలు ఎవరు..? అన్న వివరాలను తెలుసుకోవాలంటే సినిమాను చూడాల్సిందే. ఈ మూవీ ట్రైలర్ కూడా ఆసక్తిగొలిపే విధంగా ఉంది. ఆ దంపతులు తమ పూర్వీకుల ఇంట్లో ఏవో రహస్యాలు తెలుసుకున్నారంటూ ట్రైలర్లో చూపించారు. అంతేకాకుండా వారు భయపడుతున్నట్లుగా కూడా ఉంది. కనుక హార్రర్, థ్రిల్లర్, సస్పెన్స్ సినిమాలను ఇష్టపడేవారికి ఈ సినిమా నచ్చుతుందని థియేటర్లలో చూసిన ప్రేక్షకులు ఇప్పటికే కామెంట్లు పెట్టారు.
ఈ మూవీలో దిలీపన్, గజరాజ్, మాస్టర్ ఘనశ్యాం, వడివుక్కరసి, సింగంపులి తదితరులు నటించారు. ఈ సినిమాకు విజయకుమార దర్శకత్వం వహించగా సినిమా నిడివి 2 గంటల 4 నిమిషాలుగా ఉంది. సెన్సార్ బోర్డు వారు ఈ చిత్రానికి యూఏ16ప్లస్ సర్టిఫికెట్ ఇచ్చారు. ఈ సినిమాకు కు.కార్తీక్, విజయకుమార రచయితలుగా పనిచేశారు.
