OTT Suggestion : మళయాళ యాక్టర్ టోవినో థామస్ విభిన్నమైన పాత్రలను చేస్తూ నటుడిగా మంచి పేరు తెచ్చుకున్నాడు. ఓటీటీల పుణ్యమా అని ఈయన మళయాళ యాక్టర్ అయినా తెలుగు ప్రేక్షకులకు మరింత చేరువ అయ్యాడు. ఈయన నటించిన సినిమాలు థియేటర్లలో పెద్దగా ఆడడం లేదు. కానీ ఓటీటీల్లో మాత్రం సూపర్ హిట్ అవుతున్నాయి. ఈ క్రమంలోనే తెలుగులో ఈ మూవీలు ఓటీటీలో మరీ సూపర్ డూపర్ హిట్ అవుతున్నాయి. ఈయన మూవీలను ఓటీటీల్లో తెలుగు ప్రేక్షకులు ఎక్కువగా ఆదరిస్తున్నారు. ఇక ఈ మధ్యే ఈయన నీలవెలిచమ్ అనే మూవీలో నటించారు. ఈ మూవీ థియేటర్లలో నిరాశపరిచింది. కానీ ఓటీటీలో హిట్ అయింది.
నీలవెలిచమ్ మూవీ అమెజాన్ ప్రైమ్లో అందుబాటులో ఉంది. హారర్ కథాంశంతో ఈ మూవీని తెరకెక్కించారు. థియేటర్లలో అంతగా ఆడలేదు. కానీ ఓటీటీలో ప్రేక్షకుల నుంచి మంచి రెస్పాన్స్ను అందుకుంటోంది ఈ మూవీ. ఇక అంతగా ఆకట్టుకుంటున్న ఈ మూవీలో అసలు ఏముందో ఇప్పుడు చూద్దాం. టోవినో థామస్ తెలుగు ఆడియన్స్కు ఓటీటీల వల్ల పరిచితం అయ్యారు. ఇప్పటికే ఎన్నో డబ్బింగ్ చిత్రాల ద్వారా తెలుగు ప్రేక్షకులకు ఈయన చేరువ అయ్యారు. ఈ క్రమంలోనే ఇటీవల వచ్చిన ఈయన మూవీ 2018 తెలుగులో మంచి కమర్షియల్ హిట్ అయింది. ఇక టోవినో నటించిన నీలవెలిచమ్ మూవీ గతేడాది ఏప్రిల్ 23వ తేదీన థియేటర్లలో రిలీజ్ అయి ఫ్లాప్ అయింది. ఈ క్రమంలోనే ఈ మూవీని గతేడాది మే 23న ఓటీటీలో రిలీజ్ చేశారు. అమెజాన్ ప్రైమ్లో రిలీజ్ అయింది. అయితే ఓటీటీలో మంచి స్పందన లభిస్తుండడం విశేషం.
ఆషిక్ అబూ దర్శకత్వం వహించిన నీలవెలిచమ్ మూవీలో రిమా కల్లింగల్, టామ్ చాకో, రోషన్ మాథ్యూ ముఖ్య పాత్రల్లో నటించారు. 1964లో రిలీజ్ అయిన విజయనిర్మల మూవీ భార్గవి నిలయం అప్పట్లో మళయాళంలో హార్రర్ చిత్రాలకు ప్రేరణ అయింది. 50 ఏళ్ల కిందట మాలీవుడ్లో ఈ మూవీ ట్రెండ్ను సెట్ చేసింది. ఈ క్రమంలోనే ఈ మూవీకి రీమేక్గా నీలవెలిచమ్ను తెరకెక్కించారు.
ఇక సినిమా కథ విషయానికి వస్తే.. బషీర్ (టోవినో థామస్) ఒక రచయిత. స్టోరీ రాయడం కోసం సముద్ర తీరంలో ఉన్న ఒక పల్లెటూరికి వస్తాడు. ఆ ఊరి చివర్లో ఉండే భార్గవి నిలయం అనే పాత ఇంట్లో అద్దెకు దిగుతాడు. అయితే ఆ ఇంట్లో భార్గవి అనే ఆత్మ ఉందని ఊర్లో వారు చెప్పుకుంటారు. వారిలో కొందరు ఆ ఆత్మను కూడా చూస్తారు. ఆ ఇంట్లోకి ఎవరు వచ్చినా సహించని ఆత్మ అద్దెకు వెళ్లిన బషీర్ను ఏమీ చేయదు.
ఊర్లో వారు చెప్పే కథలు విన్న బషీర్ ఆమె మరణం వెనుక ఉన్న నిజం తెలుసుకుని దాన్ని కథగా రాయాలని అనుకుంటాడు. ఈ క్రమంలో కథ రాసే విషయంలో బషీర్ కు ఎటువంటి సంఘటనలు ఎదురయ్యాయి, భార్గవి ఎవరు, ఆమె కథ ఏమిటి, అసలు ఎలా మరణించింది, ఆమె బషీర్ను ఎందుకు ఏమీ చేయదు ? వంటి ప్రశ్నలకు సమాధానాలు తెలుసుకోవాలంటే సినిమాను చూడాల్సిందే. దర్శకుడు చిత్రాన్ని తెరకెక్కించిన తీరు ప్రేక్షకులకు విస్మయాన్ని కలిగిస్తుంది. మంచి హార్రర్ చిత్రాన్ని చూడాలనుకునే వారు వీకెండ్లో ఈ మూవీని వీక్షించవచ్చు.
