Animal Movie 1st Week Collections : వైల్డ్ యాక్షన్‌తో ప్రేక్షకుల ముందుకు వచ్చి మంచి ప్రేక్ష‌కాద‌ర‌ణ పొందిన చిత్రం యానిమల్. ఈ సినిమాకు భారీ స్పందన లభిస్తోంది. దీంతో దీనికి వసూళ్లు అదిరిపోయేలా వస్తున్నాయి. రణ్‌బీర్ కపూర్ హీరోగా సందీప్ రెడ్డి వంగా తెరకెక్కించిన చిత్రమే ‘యానిమల్’. ఈ మూవీని టీ సిరీస్, భద్రకాళి పిక్చర్స్ బ్యానర్లపై భూషన్ కుమార్, క్రిషన్ కుమార్, మురాద్, ప్రణయ్ రెడ్డి వంగాలు నిర్మించారు. దీనికి ప్రీతమ్, విశాల్ మిశ్రా, హర్షవర్దన్ రామేశ్వర్ మ్యూజిక్ ఇచ్చారు. ఇందులో రష్మిక హీరోయిన్‌గా.. అనిల్ కపూర్, బాబీ డియోల్, శక్తి కపూర్ కీలక పాత్రల్లో నటించారు.
బాలీవుడ్ స్టార్ రణ్‌బీర్ కపూర్ నటించిన ‘యానిమల్’ మూవీపై ఆరంభం నుంచే భారీ స్థాయిలో అంచనాలు నెలకొన్నాయి. దీంతో ఈ మూవీ హక్కులకు భారీగానే డిమాండ్ వచ్చింది. ఫలితంగా ఈ యాక్షన్ మూవీకి దాదాపు రూ. 200 కోట్లు మేర బిజినెస్ జరిగినట్లు తెలిసింది. అందుకు అనుగుణంగానే ఈ సినిమాను దాదాపు 4000లకు పైగా థియేటర్లలో రిలీజ్ చేసుకున్నారు. దీంతో మొదటి రోజు రూ. 63.80 కోట్లు, రెండో రోజు రూ. 66.27, మూడో రోజు రూ. 71.46 కోట్లు, నాలుగో రోజు రూ. 43.96 కోట్లు, ఐదో రోజు రూ. 37.47 కోట్లు, ఆరో రోజు రూ. 30.39 కోట్లు వచ్చాయి. ఇక, ఏడో రోజు ఈ చిత్రం రూ. 25.50 కోట్లు నెట్ వసూళ్లు రాబట్టింది.
యానిమల్ సినిమాకు ఇండియాలోనే రూ.337.58కోట్ల నెట్ కలెక్షన్లు రాగా, గ్రాస్ కలెక్షన్ల విషయానికి వస్తే ఇండియాలో రూ.400కోట్ల మార్కును యానిమల్ దాటేసింది. మరోవైపు, తెలుగులోనూ యానిమల్ జోరు చూపిస్తోంది. ఇప్పటికే బ్రేక్ ఈవెన్ పూర్తయి.. బయ్యర్లు లాభాల్లోకి కూడా వచ్చేశారు.అమెరికా, కెనడాల్లో యానిమల్ సినిమా కలెక్షన్లు 9 మిలియన్ డాలర్లను దాటింది. 10 మిలియన్ డాలర్ల వైపుగా వెళుతోంది. ఓవర్సీస్‍లోనూ చాలా చోట్ల యానిమల్ రికార్డులను క్రియేట్ చేస్తోంది. తాజాగా ఈ సినిమా చూసిన టాలీవుడ్ ఐకాన్ స్టార్ అల్లు అర్జున్ చిత్ర యునిట్‌పై ప్ర‌శంస‌ల వ‌ర్షం కురిపించాడు.
యానిమల్ సినిమా జస్ట్ మైండ్ బ్లోయింగ్ అని.. ఆ సినిమాటిక్ బ్రిలియన్స్ పిచ్చెక్కించింద‌ని ట్విట్ట‌ర్ వేదిక‌గా తెలిపాడు. రణబీర్ కపూర్ ఇండియన్ సినిమా ఎక్స్ పీరియన్స్‌ను వేరే లెవల్ కు తీసుకువెళ్లావు. చాలా స్ఫూర్తిదాయకంగా ఉంది. మీ మ్యాజిక్‌తో నా నోట మాటలు రావడం లేదు. రష్మిక, బ్రిలియంట్ గా నటించావ్ ఇప్పటి దాకా నీ బెస్ట్ పెర్ఫార్మన్స్ ఇది, ఇంకా ఇలాంటివి మరెన్నో చేయబోతున్నావని అర్ధం అవుతోంది. బాబీ డియోల్ మీ న‌ట‌న మమ్మల్ని సైలెంట్ చేసింది, మీ టెరిఫిక్ నటనకు నా రెస్పెక్ట్. యంగ్ హీరోయిన్ తృప్తి గుండెలను బ్రేక్ చేస్తోంది, ఇంకా చేస్తుందని భావిస్తున్నాను. మిగతా అందరు నటీనటులు, టెక్నీషియన్లు కూడా సినిమాను మరో లెవల్‌కి తీసుకు వెళ్లారు అని అన్నాడు.
