విజయ్ దేవరకొండ హీరోగా తెరకెక్కిన “పెళ్లిచూపులు”, విశ్వక్ సేన్ హీరోగా తెరకెక్కిన “ఈ నగరానికి ఏమైంది”వంటి సూపర్ హిట్ చిత్రాలను తెరకెక్కించిన దర్శకుడు తరుణ్ భాస్కర్ సమర్పణలో తాజాగా మరో చిత్రం తెరకెక్కుతోంది. తరుణ్ భాస్కర్ సమర్పణలో క్రీడా నేపథ్యం ఉన్న ఓ సినిమా తెరకెక్కుతోంది. ఈ సినిమాలో సాయి సుశాంత్ రెడ్డి హీరోగా సందడి చేయనున్నారు.
రోహిత్ తంజావూర్ దర్శకత్వంలో రాజు, ప్రమోద్ కుమార్ నిర్మిస్తున్న ఈ చిత్రానికి సంబంధించిన ఫీలర్ వీడియోను చిత్ర బృందం శుక్రవారం విడుదల చేశారు. ప్రస్తుతం ఈ వీడియో నెటిజన్లను బాగా ఆకట్టుకుంటోంది. ఎలైట్ ఎంటర్టైన్మెంట్ ప్రొడక్షన్స్లో రూపొందుతున్న మూడవ చిత్రమిది.
యాక్షన్ ప్యాక్డ్ స్పోర్ట్స్ తరహాలో తెరకెక్కుతున్న ఈ చిత్రానికి కె సిద్ధార్థ రెడ్డి కెమెరామెన్ గా పనిచేస్తున్నారు. ప్రస్తుతం షూటింగ్ పూర్తి చేసుకున్న ఈ చిత్రం పోస్ట్ ప్రొడక్షన్ పనులను ప్రారంభించింది. ప్రస్తుతం ఈ చిత్రానికి సంబంధించిన ఫీలర్ వీడియో సోషల్ మీడియాలో వైరల్ గా మారింది. పోస్ట్ ప్రొడక్షన్ పనులను ముగించుకుని త్వరలోనే ఈ చిత్రం ప్రేక్షకుల ముందుకు రానుందని ఈ సందర్భంగా చిత్ర బృందం తెలియజేశారు.
